Муниципаль районнар Теләче муниципаль районы

Җәйге чорда бөтен кеше дә табигатькә чыгып, ял итеп, мөмкин кадәр күбрәк матур һәм күңелле мизгелләрне тотып калырга тырыша.

2018 елның 10 июле, сишәмбе

Табигатьнең матурлыгына сокланырга һәм аңа сак караш тәрбияләргә өйрәтү максатыннан, 3 июль көнне, Теләче балалар китапханәсе хезмәткәрләре дә «Дуслык» җәйге лагеренда ял итүче балалар белән «Яшел җәй табышмаклары» дигән викторина үткәрделәр. Балалар «Табигать белгечләре» һәм «Урман сукмагы серләре» турнирында катнаштылар; агачлар, чәчәкләр, су, кошлар турындагы табышмакларга җавап бирделәр; «Әгәр мин урманга килсәм» һәм «Дүртенчесе артык» уеннарында активлык күрсәттеләр. Әлеге чарада катнашучылар гади генә бәйгеләр һәм викторина ярдәмендә урманда яшәүчеләрнең һәм үзләренең сәламәтлекләренә зыян китермәс өчен тагын бер кат табигатьтә үз-үзеңне тоту кагыйдәләрен искә төшерделәр.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2024 ел

“Тукай безнең йөрәкләрдә”

Югары Кибәхуҗа авыл китапхәнәсендә “Пушкин картасы” федераль проекты кысаларында “Тукай безнең йөрәкләрдә” дигән әдәби сәгать үтте. Әлеге чарада китапханәче балаларга шагыйрьнең тормыш юлы һәм иҗаты турында сөйләде. Г.Тукай балалар өчен бик күп әкиятләр шигырьләр һәм мәсәлләр язган. Аның “Шүрәле”, “Су анасы”, “Кәҗә белән сарык” әкиятләрен белмәүче кеше юктыр. Балалар Г.Тукай әсәрләрен укып, шигырьләрен яттан сөйләделәр. Әлеге чара татар халкының гимны булган “Туган тел” җыры белән тәмамланды.

#ЭКОЯЗ2024

#ЭКОЯЗ2024 акциясе кысаларында Баландыш авылы китапханә һәм мәдәният хезмәткәрләре 20 нче апрель көнне өмәгә чыктылар. Алар Баландыш авыл җирлегенә кергән авыл урамнарын һәм юл кырыйларын чүпләрдән арындырдылар.

20 апрель көнне Абде авыл китапханәсендә Пушкин картасы буенча “Әдәби лабиринт” дип исемләнгән китап квесты узды.

Барлык биремнәрне үтәп җиңүче булыр өчен катнашучыларга үзләрен маҗара эзләүчеләр, детективлар итеп хис итәргә тәкъдим ителде. Аларга әдәбият өлкәсендә үз белемнәрен тикшереп, язучыларның тормышыннан һәм аларның әсәрләреннән кызыклы фактларны искә төшерергә, китапның төзелеше һәм структурасы буенча сорауларга җавап бирергә, язучының портретын төзергә, әсәрнең авторын һәм исемен укыган өзек буенча билгеләргә кирәк иде. Уен сораулар, аудио– һәм видео– күрсәтмәләр, мультимедия презентациясе белән озата барылды. Чара тәмамлангач, әдәби әсәрләрне һәм аларның авторларын иң яхшы белүчеләр билгеләнде.

Апрель ае – Габдулла Тукайны искә алу, аның иҗатын барлау ае.

19 апрель көнне Урта Мишә авыл китапханәсендә татар халкының бөек шагыйре Габдулла Тукайны искә алу уңаеннан “Без Тукайны укыйбыз” исемле марафон үткәрде. Г.Тукайның әсәрләрендә хәзерге тормышның бик күп сорауларына да җавап табарга мөмкин. Әсәрләре туган якка, аның табигатенә мәхәббәт уята, иҗаты туган йортыңа, туган җиреңә игътибарлы сакчыл караш тәрбияли, башлаган эшне азакка чаклы җиткерергә теләк, түземлелек үстерә һәм эстетик тәрбия бирә.

ЯҢАЛЫКЛАРГА ЯЗЫЛУ