Кем чигенеп эшли, сыерлар санын киметә?

21 октября 2022 г., пятница

Бүген, ягъни 21 октябрь көнне, район мәдәният йортында “Заманча технологияләр һәм цифрлаштыру нигезендә терлекчелек продукцияcе җитештерүнең нәтиҗәлелеген арттыру” дигән темага узган зона семинар-киңәшмәдә әнә шул хакта сөйләштеләр. Муниципаль район башлыгы Нәҗип Хаҗипов һәм Татарстан Республикасы Авыл хуҗалыгы һәм азык-төлек мнистры урынбасары Ленар Гарипов җитәкчелегендә узган семинар-киңәшмәгә Биектау, Питрәч, Арча, Әтнә, Балтач, Саба, Кукмара, Мамадыш һәм Теләче районнарының авыл хуҗалыгы һәм азык-төлек идарәләре җитәкчеләре, консультантлары, зооветеринария белгечләре һәм эре инвестицион компанияләрнең җитәкчеләре чакырулы иде.