ЯҢАЛЫКЛАР
13 ноябрь көнне Баландыш авылы мәдәният йортында “Уятмакчы булсаң халык күңелләрен” дип исемләнгән фестиваль булып узды. Фестивальдә китапханәчесе Назипова Миләүшә әзерләгән сценарий буенча «Су юлы» йоласы - фольклор күренеше күрсәтелде.
Районыбызда “Уятмакчы булсаң халык күңелләрен” фестиваль конкурсы башланып китте. Әлеге фестиваль 13 ноябрь көнне Урта Мишә авыл клубында үтте. Концертта Урта Мишә авыл китапханәсендә оешкан “Ак калфак” берләшмәсенә йөрүче ханымнар да катнашты.
2015 нче елның 21 октябреннән 2016 нчы елның 26 маена кадәр Татарстан Республикасының барлык мәгариф учреждениеләрендә “Укучының мәдәни көндәлеге“ дигән яңа проект игълан ителде. Бу проект укучыларны тарихи-мәдәни урыннарга тарту максатыннан әзерләнгән. Аны оештыручылар бала-ларны компьютер, телевизордан беразга гына булса да читләштереп, кечке-нәдән үк мәдәнияткә, сәнгатькә мәхәббәт тәрбияләүне дә, әти-әни күбрәк вакытын бала белән уздырсын дигән максатны да күз алдында тоткан-нар. Укучылар ел дәвамында китапханәләргә, музейларга, театрларга йөриячәкләр. Бу проектта Түбән Саурыш башлангыч сыйныф укучылары актив катнашырга тырышалар.
Китап уку – ял итү, вакытны файдалы үткәрү ул. Күкчә авылы китапханәсендә яңа кайткан китаплардан күргәзмә эшләнде. Бу күргәзмәгә матур әдәбият һәм балалар әдәбияте куелды.
14 ноябрь көнне 1 класс укучылары Иске Җөри авылы китапханәсендәге «Авылым тарихыннан» дигән музей почмагына экскурсиягә килделәр. Балаларга китапханәче Гильмутдинова Р. авыл тарихы, табигате, авылныӊ күренекле шәхесләре турында сөйләде, музейдагы экспонатлар белән таныштырды. Балалар зур кызыксыну белән тыӊладылар.
Безнең районнан тренер Киямов Айрат Ахматович җитәкчелегендә Зайнетдинов Ришат һәм Мифтахова Алия катнашты. Үз үлчәү авырлыкларында алар икесе дә 1 урынны яулады.
Олы Нырсы мәктәбеннән Мөбинов С.И. Халыкара “Ватанның яшь талантлары” иҗат олимпиадасында катнашып II дәрәҗә дипломы белән бүләкләнде. Уңышлары белән котлыйбыз!
14 ноябрь көнне Әбде авылы мәдәният йортында «Уятмакчы булсаң халык күңелләрен» фестиваль конкурсы булып узды.
Бу конкурста мәдәният йорты каршында шөгыльләнүче үзэшчән коллективы “Капустные вечёрки” дип исемләнгән элеккеге йола күренешен күрсәттеләр.
Һәрбер кеше сау-сәламәт һәм нык булу өчен спортбелән дус булырга, шөгыльләнергә тиеш. 14 ноябрь көнне Ачы мәдәният йортында «Спорт сөючән гаилә» дигән исем астында спорт ярышлары уздырдылар.
Тамашачыга һәм район мәдәният йортыннан килгән жюри әгъзәларына мәдәният йорты берләшмәләренә йөрүче авылыбыз үзешчәннәре көче белән концерт программасы һәм “ Киленгә су юлы күрсәтү йоласы” фольклор күренеше тәкъдим ителде. Тамашада балалар, урта һәм өлкән буын кешеләре дә катнашты.