ЯҢАЛЫКЛАР

20 март көнне Казан шәһәрендә «Радуга» – «Салават күпере» - 2015 бәйгесе узачак.

Бу бәйгедә район мәдәният йортында оештырылган «Сандугач» җыр сөючеләр берләшмәсендә катнашучы яшь талантыбыз Регина Алексеева ( җитәкчесе А.Б. Поташова) һәм «Зөбәрҗәт» шигырь сөючеләр берләшмәсендә шөгыльләнүче Динә Шайхетдинова һәм Ильзирә Фаттахова (җитәкчесе А.Х. Туктамышева) катнашачаклар. 

14 март көнне Шәтке авылы мәдәният йортында Казан Дәүләт мәдәният сәнгать университеты студентлары "Яз исе килә" дип исемләнгән концерт программасы күрсәттеләр.

  Концерт  җыр- бию, нәфис сүз белән үрелеп барды. 

Олы Мәтәскә мәдәният йорты каршында "Карга боткасы" бәйрәме үткәрелде.

Мәдәният йорты директоры Гульнур Гимранова,  китапханәче Земфира Хузиахметова һәм өстәмә белем бирү педагогы Ландыш Нигматзянова белән берлектә үткәрелгән бу чарада  мәктәп укучылары  һәм ясле-бакча балалары катнашты. 

Сауш авыл мәдәният йортында «Туган якка» багышланган музей эшли. Анда сугышчан дан почмагы оештырылды.

Күп төрле мәгълүматлар белән беррәттән сугыштан язган хатлар,  фотолар, каска һәм башка әйберләр саклана. Балалар экспонатларны бик теләп карыйлар, кызыксыналар сораулар бирәләр. 

Март аенда Казан шәһәрендә Гаврилов урамында, Җиңүнең 70 еллыгы уңаеннан, Брест крепосте өчен батырларча көрәшкән Советлар Союзы герое Петр Михайлович Гавриловка багышланган чара узды.

Бу чарада Субаш авылы яшьләре белән берлектә, китапханәче белән клуб мөдире дә катнашты. Бу чара бик эчтәлекле итеп оештырылган иде. 

Янгын куркынычсызлыгы конкурсы.

15 октябрьдән 15 мартка кадәр мәктәп укучылары арасында 7-18 яшь аралыгында  янгын  куркынычсызлыгы буенча конкурсның район туры  үткәрелде. Конкурс 3 номинациядә үтте. Кече Кибәхуҗа төп мәктәбеннән конкурска 5 эш җибәрелде. 

Профессиональ ориентлашу буенча тест үтте.

Бүген  Югары Кибәхуҗа  урта  мәктәбендә  9 сыйныф  укучылары   арасында  укучыларның   һөнәр сайлау  буенча  кызыксынуларын, мөмкинлекләрен  белү  максатыннан  профессиональ   ориентлашу    буенча  тест  үтте.  Бу тестны  Татарстан  Республикасының  фән  һәм мәгариф  министрлыгы   һәм  “Республика  белем сыйфатын  тикшерү  үзәге”    үткәрде.  

Балалар белән әңгәмә.

Язгы ташулар, боз китүләр - табигатьнең гаҗәеп матур күренеше. Әмма бу матурлыкның һәммәбездән дә саклык таләп итүен онытмаска кирәк. Безнең Олы Мәтәскә балалар бакчасында да балалар белән: "Ташу вакытында сак булыгыз!" дигән темага әңгәмә үткәрелде.

Буген инглиз теле атналыгының дүртенче көне.

Мәктәбебезнең  1-5 класс укучылары арасында КВН дәрес  үткәрелде. Әлеге чара бик күңелле булды. Шулай ук мәктәп күләмендә “Бөекбритания сувениры “ конкурсы да узды, нәтиҗәләр ясалды.

Класстан тыш чара “Хуҗабикә”.

Теләче урта мәктәбендә  бишенче сыйныф укучы кызлары арасында “Хуҗабикә” дигән класстан тыш чара булып үтте.