Муниципаль районнар Теләче муниципаль районы

ЯҢАЛЫКЛАР

февраль, 2015 ел

җомга

Иске Җөри авылы мәктәбе күләмендә Хәрби-патриотик айлык дәвам итә. Бүген этелү , автомат сүтеп җыю ярышлары башланды.

5 класстан башлап һәр укучы этелә, кайберәүләр бик яхшы эшлиләр, кайберләренең булып җитми, шуңа да карамастан бер укучы да катнашмыйча калмый. 7-11 класс егетләре автомат сүтеп җыю ярышларына әзерләнәләр.

5 январь көнне Олы Кибәхуҗа авылы мәктәбенең физкультура укытучысы Галимов И.Ф. район укытучыларына ачык дәрес күрсәтте.

Дәрестә чаңгы шуу ,тауга күтәрелү алымнары күрсәтелде.Укучыларга сәламәт яшәү рәвешенең әһәмияте аңлатылды. Дәрес бик кызык һәм мавыктыргыч узды.

Олы Мишә урта мәктәбендә Бөек җиңүнең 70 еллыгына багышланган чаралар күп үткәрелә.

Шундыйларның берсе - бүген “Ленинград блакадасы өзелү” көне уңаеннан 5-7 сыйныфларда үткәрелгән ачык класс сәгате. Тарихи мәгълүматлар белән баетылган әдәби әсәрләр тыңлаучыларыбызны таң калдырды. 1944 нче елның 27 январена совет гаскәрләре дошманның төп көчләрен тар-мар итәләр. Ленинград блокадасы өзелә. Укучылар һәлак булганнар истәлеген бер минутлык тынлык белән искә алдылар.

2015 елның 4 февралендә «Батыр» спорткомплексында «Теләче» балалар спорт мәктәбе волейбол буенча 1999 елда туган һәм аннан да яшьрәк егетләр арасында район беренчелеген үткәрде.

Ярышларны ачу тантанасында муниципаль районнын яшьләр эшләре һәм спорт бүлеге җитәкчесе Галеев А.В. катнашты һәм чыгыш ясады. Ярышларда барлыгы 9 мәктәп, 72 укучы катнашты. Җинүчеләргә диплом һәм медальләр тапшырылды, ә җиңүче команда кубокка лаек булды.

5 нче февраль көнне Олы Нырсы авыл китапханәсендә “Әдәбият елы” уңаеннан Татарстанның халык шагыйре Фәнис Яруллинның туган көненә багышлап әдәби кичә үткәрелде.

Кичәгә озайтылган көн төркеме балалары килде. Язучының тормышы һәм иҗаты белән таныштырылды. Шигырьләре яттан сөйләнелде.

4 нче февраль көнне Олы Нырсы китапханәсендә 5 сыйныф укучылары өчен “Матур буласың килсә” дип исемләнгән кичә үткәрелде.

Һәр кыз бала матур, акыллы, зәвыклы ,бәхетле булырга тели. Шушы сорауларга җавап бирү йөзеннән , матур буласың килсә дигән кызлар энциклопедиясе китабы буенча үткәрелде. Төрле кызыклы киңәшләр , әңгәмәләр, китап күзәтүләр үткәрелде. Үзләренә кирәкле мәгълүмат алдылар.Кичәдән кызлар бик канәгать булып таралыштылар.

Олы Нырсы балалар бакчасында кечкенә генә милли музей почмагы бар.

Анда халкыбызның борынгы көн-күреш әйберләреннән:бала бишеге,бала арбасы,читек,чабаталар,түбәтәй,калфаклар,самавыр,кулдан сугылган ,чигелгән сөлге-кашагалар, милли бизәкләребездән торган альбомнар,стендлар һәм башка бик күп әйберләр тупланган. Балалар бу музейга керергә бик яраталар.

Иске Җөри мәдәният йортында эшләп килүче «Алтын куллар» берләшмәсе уз эшен дэвам итэ.

5 февраль көнне алар бисер белән эшләү серләренә өйрәнделәр.

Сауш мәдәният йортында эшләүче музейда сугышчан-дан почмагы булдырылды.

Анда сугыш һәм тыл ветераннарына багышланган альбомнар яңа материаллар белән тулыландырылды.

Уен -бала тормышында әһәмиятле урын алып тора.

Аның ярдәмендә балаларда зирәклек, оешканлык, коллективта үзеңне тота белү, җитезлек кебек матур сыйфатлар тәрбияләнә. Өстәл уеннары - балаларны уйланырга, эзләнергә, фикер тупларга, берләштерергә, күнекмәләрне, гадәтләрне тормышта кулланырга өйрәтүче һәм тәрбия бирүче көчле чараларның берсе.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ