Муниципаль районнар Теләче муниципаль районы

ЯҢАЛЫКЛАР

февраль, 2015 ел

җомга

5 февраль көнне районның барлык балалар бакчалары мөдирләре район мәгариф бүлегенә семинар-киңәшмәгә җыелдылар.

Киңәшмәне мәгариф бүлегенең хезмәтне саклау буенча методисты Нигематзянова Г.З. алып барды. Киңәшмәдә Хезмәтне саклау буенча балалар бакчаларында эшнең торышы һәм алда торган планнар турында сөйләшенде.

5енче февраль көнне безнең Максабаш балалар бакчасына район үзәк шифаханәсеннән табиблар һәм шәфкать туташлары килделәр.

Алар үзләренең планнары буенча балаларга профилактик медицина күзәтүе уздырдылар. Белгечләр балаларның сәламәтлекләрен тикшереп, гомуми анализлар да алдылар. Сәламәтлек саклау, грипптан саклану һәм башка бик кирәкле тәкъдимнәр, мәгълүматлар бирделәр. Шунысы сөенечле – балалар барысы да сау –сәламәт. Алга таба да шулай булсын иде.

05.02.2015 февраль көнне Олы Мишә балалар бакчасында "ФГОСка нигезләнеп белем һәм тәрбия бирүнең үзенчәлекләре" дигән темага чираттагы ата-аналар җыелышы булды.

Җыелышта "ФГОС һәм УМКны куллану - бүгенге көн белем һәм тәрбия бирүдә заман таләбе", "ФГОСны куллануда ата-аналар белән хезмәттәшлек" дигән темаларга чыгышлар ясалды. Соңыннан . фельдшер Гильманова Г.К. ОРЗ, ОРВИ, грипп авыруларыннан ничек саклану, авырту очрагында нинди дарулардан файдалану турында үзенең киңәшләрен җиткерде. Җыелыш бик җанлы узды.

Шәдке авылы балалар бакчасында Җиңүнең 70 еллыгын каршылап план төзелде.

Тәрбияче Касимова.Г.С балаларга сугыш еллары турында шигырьләр укыды,авыр сугыш вакытында үзләренең гомерләрен кызганмыйча сугышкан батыр солдатлар турында сөйләде. Без батыр авылдашларыбызны бервакыттада онытмабыз.

Иске Җөри балалар бакчасында көн саен йокыдан соң балалар белән чыныктыру гимнастикалары ясыйлар.

Кулдан ясалган ковриклар өстеннән йөреп, аякларны чыныктырабыз. Урыннарыбызда яткан килеш төрле хәрәкәтләр белән гәүдәләрне язабыз. Барлык балалар да бу хәрәкәтләрне яратып ясыйлар. Гимнастика балаларга йокыларыннан уянырга ярдәм итә,аларның кәефләре күтәрелә, активлыклары арта.

5 февраль көнне Балалар иҗат үзәгендә “Не померкнет летопись Победы” дип исемләнгән мәгълүмати баннерлар яклауның беренче көне узды.

Бу чара Бөек Җиңүнең 70- еллыгына багышланган республика күләм “Родные лица Победы” дигән тарихи-патриотик акциясе кысаларында узды. Конкурсның беренче көнендә Олы Мәтәскә, Югары Кибәхуҗа, Иске Җөри, Сауш урта мәктәпләреннән, Кече Кибәхуҗа, Шармаш һәм Лесной төп мәктәпләреннән җыелдылар.

Олы Мәтәскә авылында ел саен олуг язучы Фатыйх ага Хөснинең туган көне искә алынмыйча калмый.

Быел да китапханәче Хуҗиәхмәтова Зәнфирә “Йөрәк түребездә син – Фатыйх ага”дип исемләнгән мәдәни чара оештырды. Шулай ук язучыга багышланган күргәзмә дә эшләнде. Бу чара мәктәп укучылары катнашында үтте.

5 февраль көнне Әбде авылы мәктәбендә шигырь укучылар конкурсы үтте.

Укучылар татар һәм рус телләрендә сугыш темасына багышланган шигырләр укыдылар. Балалар бу бәйгегә бик җаваплы карадылар. Әлеге чарага тамашачылар буларак әти-әниләр чакырылган иде.

Олы Кибәхуҗа авылы балалар бакчасы зурлар төркеме балалары белән тәрбияче Нурисламова Р.Р. " Транспорт төрләре" темасына багышланган бердәм эшчәнлек барышында балаларны җир,су,һава транспортларын таный һәм аера белергә өйрәтте.

"Парын тап" уены ярдәмендә транспортны йөртүчеләр турында сорашып белемнәрен ныгытты."Поездда барып", "самолетта очып",көймәдә йөзеп транспорт төрләренең хәрәкәт итү буенча кузаллауларын үстерде.Балалар актив кызыксынып, теләп һәр биремне башардылар. үз фикерләре белән уртаклаштылар.

4 гыйнвар көнне Балалар иҗат үзәгендә “Заманча дәрес – өстәмә белем бирүнең сыйфаты һәм дәрәҗәсе нигезе” темасы астында чираттагы утырыш булып узды.

Балалар иҗат үзәге директоры Мәхмүтова Зөлфия Шамил кызы өстәмә белем бирү педагогларын рәхмәт хатлары һәм грамоталар белән бүләкләде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ