Муниципаль районнар Теләче муниципаль районы

ЯҢАЛЫКЛАР

февраль, 2015 ел

пәнҗешәмбе

4 февраль көнне Олы Мишә авыл китапханәсендә “Беренче сыйныф укучысының мәдәни көндәлеге” проекты кысаларында “Бергә чакта күңелле” дигән мәдәни дәрес үткәрелде.

Бу дәрестә китапханәче Газизова Р. балаларга мәдәни көндәлек белән эшләргә булышты һәм балалар язучылары турында сөйләде. Балаларга үзебезнең якташларыбыз Рашат Низамиевның әсәрләре һәм Фатих Хөснинең “Кабак” әсәре бик ошады.

Казаклар авыл клубында методик бүлмәдә сценарийлар, планнар төзелә.

Хәзерге вакытта алар авыл җыенында үткәрәләчәк концерт программасына әзерләнәләр.

Шәтке мәдәният хезмәткәрләре 4 февраль көнне авылдагы өлкәнрәк яшьтәге хатын-кызларны түгәрәк өстәлгә җыйдылар.

Киләчәктә "Сүнмәс йолдызлар" ансамбле оештыру турында сөйләштеләр.

“Теләче” балалар – үсмерләр спорт мәктәбенең оешуына 15 ел уңаеннан район беренчелегенә үткәрелгән волейбол ярышында укучыларыбыз 1 нче урын яуладылар ( тренер – Шаяхметов Ш.А.).

Бүген мәктәп күләмендә басылып чыга торган "Көмеш кыңгырау" газетасының бишенче саны басылып чыкты.

Бу санда январь ае вакыйгалары, мәктәп коллективының эшчәнлеге турында язмалар, укучылар, укытучылар өчен файдалы материаллар урын алган. Газетаны укытучылары Нигъмәтҗанова Х.Н. җитәкчелегендә VI сыйныф укучылары чыгарды. Газетаны, һәрвакыттагыча,Сез дә укый аласыз. Ул мәктәп сайтының "Мәктәп газетасы" бүлегендә урын алган. Мәктәбебез газетасы- әти- әниләрнең дә яратып укый торган басмасы.

Укучыларның юл йөрү кагыйдәләрен белүләрен ныгыту максатыннан бүген башлангыч сыйныфлар укытучысы Гарипова Г.З. мәктәп күләмендә "Юлда йөргәндә сак бул!" исемле ачык чара үткәрде.

Чарада укучылар юл билгеләрен искә төшерделәр, вилосипедта йөрүченең, җәяүлеләрнең нинди кагыйдәләр белергә тиешлеген кабатладылар. Юл йөрү кагыйдәләре турында мәкаль- әйтемнәр белән таныштылар, шигырьләр укыдылар.

4 нче февраль көнне Теләче авылында яшәүче Смирнова Зоя Петровнага 90 яшь тулды.

Шул уңайдан аны истәлекле бәйрәме белән Теләче муниципаль районының аппарат җитәкчесе И.Мөбинов, “Родник” халыкка комплекслы социаль ярдәм күрсәтү үзәге җитәкчесе Н.Мортазин, һәм Теләче авылы җирлеге башлыгы И.Хәмидуллин тәбрик иттеләр. Килгән кунаклар Зоя Петровнага иң җылы теләкләрен җиткереп, Россия Президенты Владимир Путинның һәм Теләче муниципаль район башлыгының тәбрикләмәсен тапшырдылар. Моннан тыш, юбилярга чәчәк һәм истәлекле бүләк тә бирелде.

Шушы көннәрдә безнең үзешчән сәнгать өлкәсендә тагын бер зур бәйрәм булып узды - Хөсәенов Рөстәмгә 50 яшь тулды.

Ул укучыларның яраткан укытучылары, авыл халкынын хөрмәтле шәһесе һәм шуның өстенә спектакль сөючеләрнең яраткан узешчән артисты да. Без аны олы юбилее белән котлап әзерләгән бүләгебезне тапшырдык, - дип хәбәр иттеләр безгә Алан авылы мәдәният хезмәткәр.

Район мәдәният йорты белгечләре «Татар егете -2015» бәйгесен игълан иткән иде.

Хәзерге вакытта катнашучы егетләргә интернет –тавыш бирү бара. Ә бәйгегә нәтиҗәләр 23 февраль көнне, кич, район мәдәният йортында ясалачак.

3 февраль көнне Иске Җөри авыл китапханәсендә якташ язучыбыз Фатих Хөснинеӊ туган көне уӊаеннан «Әдәбиятыбызныӊ йөзек кашы» дип исемләнгән китап күргәзмәсе куелды.

Әлеге күргәзмәдә язучыныӊ биографиясе яктыртылды һәм китаплары куелды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ