Муниципаль районнар Теләче муниципаль районы

ЯҢАЛЫКЛАР

февраль, 2015 ел

пәнҗешәмбе

4 февраль көнне дөрес булмаган сөйләмгә каршы көрәш көне уңаеннан Шармыш авылы китапханәчесе «Чтобы в жизни состояться предлагаем не ругаться!» дип исемләнгән әнгәмә уздырды.

Әлеге чара белән ул туган телгә сак мөнәсәбәт белән карарга өндәде. Әнгәмә барышында темага кагылышлы шигырьләр, әйтемнәр яңгырады.

2 февраль көнне Татарстан Республикасының фән һәм мәгариф министры Э.Фаттахов катнашында мәктәп директорларына Өстенлекле мәктәп кенәгәләрен, укытучы- Мастерларга, методист – тренерларга Educare сертификатларын тапшыру тантанасы булды.

Елъярым вакыт эчендә республиканың 48 районында 400 укытучы – Мастер 25000 укытучыга тренинглар һәм методик ярдәм күрсәтте. Хәзер мәктәп базасында Сингапур ысулын куллануга юнәлтелгән проффессиональ оешмалар эшли, мастерлар укытучыларга бу методиканың асылына төшергә булыша. Безнең мәктәптән инглиз теле укытучысы Биктагирова А.Г. катнашты.

Шәтке авылы китапханәсендә авылның оста кулы Касимова Резедә үргән гөлләрдән күргәзмә эшли башлады.

Ул үзе "Ак калфак" берләшмәсенә йөри. Резедә апа интернеттан кулланып , төрле гөлләр ясарга өйрәнә. Әлеге күргәзмәне карарга китапханәгә рәхим итегез.

2015 ел - Әдәбият елы дип игълан ителде.

Шуна бәйле рәвештә 4 февраль көнне Максабаш авылы китапханәсендә “2015 ел – әдәбият елы” дип аталган китап кургәзмәсе төзелде. Күргәзмәгә төрле яшьтәге укучылар өчен китаплар урнаштырылды.

2015 нче елның 4 февралендә 2-3 нче класс укучылары Алан авылы китапханәсенең кунаклары булдылар.

Авыл китапханәсен җитәкләүче Хисматуллина Фәүзия укучыларны китапханәдә үз-үзеңне тоту, китап белән сак эш итү кагыйдәләре белән таныштырды. Аннары китап дөньясына кызыклы сәяхәт булды, яңа китаплар белән таныштылар. Бу кичә балаларга бик ошады.

Районыбызда Бөек Җиңүнең 70 еллыгына багышланган бик күп эшләр башкарыла.

Әлеге чараларда районыбызның мәдәният йортлары да актив катнаша. Олы Мишә мәдәният йортында әлеге чара уңаеннан “Без сезнең белән горурланабыз” дип исемләнгән стенд төзелде.

4 февраль- Сталинград сугышын искә алу көне уңаеннан Урта Мишэ авыл клубы модире, башлангыч мәктәбендэ класс сәгатендэ катнашты.

Соңыннан презентация карап фикер алышу булды.

Бөек Җиңүнең 70 еллыгына карата «Сезгә тиеш әле бик күп язлар» - дигән стенд төзелде.

Сугыш чоры балалары һәм тыл ветераннарының тормыш юлы һәм рәсемнәреннән торган альбом эшләнде.

3 гыйнвар көнне Балалар иҗат үзәгенең өстәмә белем бирү педагогы Баева Зилә Рафаил кызын районыбыз администрациясендә, тантаналы рәвештә алдынгы урыннары белән котладылыр.

Зилә Баева “Сердце отдаю детям” дип исемләнгән Бөтенроссия өстәмә белем бирү педагоглары өчен оештырылган профессиональ конкурсның республика турында 2 дәрәҗә дипломга лаек булды.

«Масленица» рус халкының иң яраткан һәм көтеп алган бәйрәмнәренең берсе. Бу бәйрәмдә элеккеге гореф гадәтләр, йолаларны искә төшерәләр.

Әбде мәдәният йортында бу бәйрәмгә әзерлек эшләре алып барыла. Методик бүлмәдә программа һәм сценарий төзелде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ