Муниципаль районнар Теләче муниципаль районы

ЯҢАЛЫКЛАР

февраль, 2015 ел

пәнҗешәмбе

14 февраль –Гашыйклар көне уңаеннан район мәдәният йорты фото –бәйге игълан итә.

Әлеге бәйгедә катнашу өчен бары тик сөйгән ярыгыз белән төшкән фотоларны район мәдәният йортының Вконтакте дагы группасының «Гашыйклар» дип исемләнгән альбомына яки район мәдәният йортына тапшырырга кирәк. Җиңүчегә – Фирдус Тямаев концертына ике билет! Барыгызны да катнашырга чакырабыз!!!

Хәрби-патриотик айлык кысаларында укучылар мәктәп музеена экскурсия ясыйлар, сугыш ветераннары турында мәгълүмат җыялар, конкурсларга әзерләнәләр, солдатларга хат язалар.

Кичә Иске Җөри авылы мәктәбе 5 класс укучылары солдат Хәбибуллин Рәмистән җавап хаты алдылар. Бүген 6 класс укучылары мәктәп музеена экскурсиягә керделәр, Бөек Ватан сугышы чоры экспонатлары, мәгълүматлары белән таныштылар.

3 февраль көнне Әбде авылы мәктәбендә 5-8 нче классларда үткән сыйныф сәгате 1940 елда рус-фин сугышында вафат булган авылдашыбыз Советлар Союзы герое Ксенофонтов А.К. багышланган иде.

Укучылар үзләре әзерләп килгән материал белән таныштырдылар, аның батырлыклары турында сөйләделәр, батырлык турында шигырләр укыдылар. Укытучылар исә балаларга аның гаиләсе ,тормышы турындагы истәлекләрне сөйләп үттеләр,алдагы елларда эшләп килгән “Эзләнү”отрядының эше турында истәлекләрне яңарттылар. Әлеге чараны сыйныф җитәкчеләре Михайлова Ф.А. һәм Власова Н.Н әзерләде. Әзерләнгән мәгълумат өчен китапханәче Никитина Н.П.га дә рәхмәтебезне җиткерәбез.

2 февраль көнне Субаш авыл китапханәчесе Петрова Лидия, китапханәгә йөри алмый торган китап укучыларның өйләренә барып, аларны газета - журналлар, яңа кайткан әдәби китаплар белән таныштырды.

Алар газеталардан бигрәк тә "Безнең гәҗит", "Туганайлар", "Ирек мәйданы" газеталарын үз иттеләр. Күбрәк әдәби китапларны алып килүне сорадылар. Марат Кабиров, Гөлсинә Галиуллина, Зифа Кадырова китапларын үзләренә укырга калдырдылар. Алар бик канәгать булып калдылар.

2015 елның 03 февралендә Казан шәһәрендә КФҮнең Автоматлаштырылган мәгълүмат системасында эшләү сораулары буенча күпфункцияле үзәкләре һәм районнарның башкарма комитетлары хезмәткәрләрен укытуның чираттагы этабы оештырылды.

Укуларда 13 муниципаль районнан (Арча, Әлки, Югары Ослан, Биектау, Яшел Үзән, Лаеш, Питрәч, Кама-Тамагы, Балык бистәсе, Спас, Теләче, Чистай, ) килгән хезмәткәрләр һәм Казан шәһәре вәкилләре катнашты.

3 нче февраль көнне Сауш авылы китапханәсенә “Яшь рәссамнар” берләшмәсенә йөрүче балалар чакырылды.

Алар “Минем яраткан әкият героем” темасына рәсемнәр ясадылар һәм нигә шул геройны сайлаулары, аның кайсы ягы ошавы турында кыскача сөйләп үттеләр.

Баланың акылы, аңы, сөйләме, хис – тойгылары, иҗади хыялы, физик һәм психик сыйфатлары уенда формлаша, үсә, ныгый.

Уенның башка эшчәнлек төрләреннән өстенлеге дә шунда, бала уен кагыйдәләренә үз теләге белән буйсына, хәтта бу буйсыну балага рәхәтлек китерә һәм бу баланың үз – үзен тотышын, тәртибен аңлы, уйланган итә. Шуңа күрә уен бала өчен иң ирекле, иң яраткан шөгыле, ул уенда импульсив рәвештә туган теләкләрен җиңәргә, максатка ирешергә өйрәнә, характеры формалаша, ихтыяры үсә.

Сауш авылы китапханәсендә укучылар һәм яшьләр даими рәвештә интернет чыганакларын кулланалар. Аннан алган мәгълүматлары белән үзара уртаклашалар.

4 февраль көнне Теләче Үзәк балалар китапханәсендә “Батырларны хәтерлибез” дигән темага, әфганчыларга багышланган иншалар бәйгесе үткәрелде.

Теләче мәктәбе укучылары Әфган сугышы турында аз беләләр дип әйтеп булмый, беренче карашка шулай тоелса да. Бәйгегә уннан артык инша тәкъдим ителгән иде, аларның күбесе китап укучыларны таныштыру өчен күргәзмәгә куелды.

Олы Кибәхуҗа авылы мәктәбендә ОГЭ һәм ЕГЭ га әзерлек дәвам итә.

9 һәм 11 сыйныф укучылары математика, рус теле, биология, җәмгыть белеме фәннәреннән дәүләт имтиханына әзерләнәләр. Укучыларны имтиханга әзерләү максатынан мәктәптә фән түгәрәкләре эшли, ОГЭ һәм ЕГЭ форматында контроль эшләр алына. Мониторинг эшләнә.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ