Муниципаль районнар Теләче муниципаль районы

ЯҢАЛЫКЛАР

гыйнвар, 2015 ел

пәнҗешәмбе

28 январь көнне,Югары Кибәхуҗа мәдәният йортында авыл җыены үзды

Балалар бакчасы мөдире Закирова Диләрә Муллануровна да Югары Кибәхуҗа балалар бакчасының 2014 елга отчеты белән чыгыш ясады.

28 нче гыйнвар көнне Теләченең “ Батыр” спорт комплексында 2000 елгы яшүсмерләр һәм аннан кечерәкләр арасында район беренчелегенә кул көрәше үткәрелде.

Бу ярышта Лесной авылы мәктәбе укучылары: 8 нче сыйныф укучысы - Сагдеев Марсель, 7 нче сыйныф укучысы - Шалканов Артур катнашты. Шалканов Артурны 1 нче урын яулавы белән чын күңелебездән тәбрик итәбез.

Айдар балалар бакчасында Бөек Җиңүнең 70 еллыгына багышланган " Алар даны мәңгелек" - дип исемләнгән альбом эшләнелде.

Балаларны, шушы альбом ярдәме белән Бөек Ватан сугышында катнашкан сугыш һәм тыл ветераннары белән таныштырдык. Үзләренең әби - бабайлары турында сөйләү, аларга бигрәк тә күңелле булды. Балаларның әби - бабайларына карата булган хөрмәт хисе, яратулары тагы да артты.

28 январь көнне, Югары Кибәхуҗа мәдәният йортында авыл җыены узды.

Җыенның беренче өлешендә үзешчән сәнгатьтә катнашучы укучылар бик матур чыгыш ясадылар. Алар үзләренең җырлары,биюләре белән авылдашларны сөендерделәр. Җыенның икенче өлешендә мәктәп директоры Миннекаева Гөлшат Гаптрәүфовна чыгыш ясады. Ул мәктәпнең укыту-тәрбия эше белән таныштырды.

гыйнвар, 2015 ел

чәршәмбе

Узәк авыл мәдәният йортында “Яшьлек» бию төркеме үз эшен дәвам итә.

Әлеге түгәрәкне Казан Дәүләт Университетының хореогрфия бүлеге студенткасы Габдулхакова Алиса алып бара. “Яшьлек” кә йөрүчеләр яңа ел бәйрәме конөертларында чыгыш ясап үз авылы халкын сөендергәннәр инде.

28 январь көнне Баландыш мәдәният йортында 9 февраль көнне булачак авыл җыенына багышланган кичәгә карата сценарий төзелде.

Сценарийда җыр-моңга,туган авыл, хезмәт сөйгән авыл халкына багышланган шигырьләр һәм канатлы сүзләр урын алды. Сценарий нигезендә концерт программасы төзелде.

Медицина фәннәре докторы Нияз Үзбәк улы Әхмәровка 70 яшь тулу уңаеннан Олы Мишә авыл китапханәсендә 28 гыйнвар көнне аның тормыш юлына күзәтү үткәрелде.

Китапханәче укучыларга Нияз Әхмәровның матур әдәбият өлкәсендә дә даими актив эш алып баруы турында сөйләде. Нияз Әхмәров татар халкының бөек шагыйре Габдулла Тукайның күп кенә шигырьләрен, шул исәптән “Шүрәле”, “Кәҗә белән Сарык” хикәясен, “Печән базары, яхуд Яңа Кисекбаш” кебек зур күләмле әсәрләрен рус теленә тәрҗемә итә.

27 январь көнне Иске Җөри авыл китапханәсендә «Оста куллар» берләшмәсенә йөрүче кызларны китапханәче Гильмутдинова Р. бисер белән эшләргә өйрәтте.

Кызларга бисердән ясау бик ошады, алар бик теләп яӊадан килергә ризалаштылар.

Әбдә авылы мәктәбендә Советлар Союзы Герое Ксенофонтов А.К.ның вафатына 75 ел тулу уңаеннан 10-11 сыйныфларда сыйныф сәгате үткәрелде.

Тарих укытучысы Шәкуров Т.Р. укучыларга аның“ак финнар белән кышкы сугышы”турында сөйләде,ә сыйныф җитәкчеләре Михайлова Н.К.геройның гаиләсе турында мәгълумат бирде.Укучылар Ксенофонтов А.К.тормышы һәм батырлыкларына багышланган презентация карадылар,соңыннан геройны бер минут тынлык белән искә алдылар.

28 гыйнвар көнне Шармыш авылы китапханәсендә “Начитанный Зайка” исемле курчак театры күрсәтелде.

Чараның максаты:

- китап укучыларны китапханәгә тарту;

- китапка мәхәббәт тәрбияләү.

Балалар чара ахырына кадәр кызыксыну белән китап киштәләренә тартылдылар. Курчак театры барысына да бик ошады.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ