Апрель - кошлар ае, кошларның ояларга күпләп килү вакыты. Ел саен 1 апрельдә дөньяның күп кенә илләрендә Халыкара кошлар көне билгеләп үтелә. Айдар авыл китапханәсе клуб белән берлектә Халыкара кошлар көненә багышланган "Яратам кошларның җырларын-моңнарын, алар бит канатлы бизәге дөньяның" исемле викторина үткәрде.

Әлеге көннең нәкъ шул датада билгеләнүе дә очраклы түгел. Ул балалар яратып укый торган эчтәлекле дә, кызыклы да булган бик күп китаплар авторы, әкиятче Г.Х. Андерсен белән бәйле. Бу көнне Субаш авылы китапханәсендә китап укучы балалар белән танып- белү сәгате уздырылды. Алар китапханәче белән серле китап иленә сәяхәт кылдылар. Алар өчен “Китап киңәшчең, ярдәмчең, дустың синең” дип исемләнгән күргәзмә дә эшләде.

Китапханәче укучыларны китап күргәзмәсе белән таныштырды, Габдулла Тукайның тормыш юлы һәм иҗаты турында мәгълүмат бирде. Балалар шагыйрьнең шигырьләрен яттан сөйләделәр, викторина сорауларына дөрес итеп җавап бирделәр, әкиятләреннән пазлы җыйдылар.  Шулай ук Теләче җирлекара китапханәсе тарафыннан 1 марттан 20 апрельгә кадәр “Без Тукай оныклары” дип исемләнгән  акция игълан ителгән иде. Бүгенге көндә әлеге акциядә 54 укучы катнашты, алга таба Тукай иҗатын яратучыларны активрак булырга чакырып калабыз.

3 апрель көнне Теләче балалар китапханәсендә Балалар китабы атналыгы кысаларында «Китап сезнең өчен бәйрәм булсын!» исемле күңелле һәм мавыктыргыч уен-викторина үткәрелде, ул яшь укучыларны тылсымлы әдәбият дөньясына онытылмаслык сәяхәткә алып китте.