Спортның кышкы төрләренә, шул исәптән хоккей уенына да старт бирелде

2013 елның 21 декабре, шимбә

21 декабрь көнне Теләче хоккей тартмасында спортның кышкы төрләренә, шул исәптән хоккей уенына да старт бирелде. Кышкы спорт төрләрен ачу тантанасында муниципаль район башлыгы Илдус Зарипов:
- Хоккей көчле, чыдам кешеләр, чын ир-егетләр спорты. Бүгенге бәйрәм сезне яңа җиңүләргә рухландырсын. Районда хоккей спортына игътибарны киметмиячәкбез. Сезгә имин бәйгеләр, яңадан-яңа җиңүләр теләп калам, - дип белдерде.

Бу көнне кышкы спорт уеннарын ачу тантанасыннан соң районыбыз хоккей командалары өчен турнир үткәрелде. Сезонның тәүге ярышында Тиләҗе, Иске Җөри, Теләче, Шәтке, Үзәк авыллары командалары чыгыш ясады.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International