Муниципаль районнар Теләче муниципаль районы

ЯҢАЛЫКЛАР

март, 2015 ел

чәршәмбе

11 нче март көнне Алан авылында туган, лэкин бүгенге көн Сауш авылында яшәүче Суләйман кызы Фахима Сөләймановнага 90 яшь тулды.

Шул уңайдан аны истәлекле бәйрәме белән “Родник” халыкка комплекслы социаль ярдәм күрсәтү үзәге җитәкчесе Нияз Мортазин, Алан авылы җирлеге башлыгы Әхмәт Хәзиев тәбрик иттеләр. Килгән кунаклар Фахима Сөләймановнага иң җылы теләкләрен җиткереп, Россия Президенты Владимир Путинның һәм Теләче муниципаль район башлыгының тәбрикләмәсен тапшырдылар. Моннан тыш, юбилярга чәчәк һәм истәлекле бүләк тә бирелде.

Бөек җиңүнен 70 еллыгын каршылау максатыннан Балалар иҗат үзәгенең “Лоскутное шитье” (җитәкчесе Касимова Л.Ә.) түгәрәгенә йорүче укучылар төрле чараларда актив катнашалар.

Дәрес башланыр алдыннан укучылар белән сугыш хәтирәләрен яңарталар.

Март ае безгә беренче яз бәйрәмен – Халыкара хатын-кызлар көне - 8 Мартны алып килә.

Бәйрәм уңаеннан Олы Саурыш башлангыч мәктәбендә “Ягез әле, әниләр!” дигән кичә үткәрелде. Әниләр ике командага бүленделәр һәм үзләренең һөнәрләрен күрсәттеләр: җырладылар, биеделәр, мода күрсәттеләр, салат әзерләделәр, күзне бәйләп бәрәңге җыйдылар, сикергеч белән сикерделәр.

Бөек Җиңүнең 70 еллыгына ике айдан да кимрәк вакыт калып бара.

Яңа стендлар эшләнә, булганнары яңартыла. Башлангыч сыйныф укучылары җырлар, шигырьләр өйрәнсә, 5-7 сыйныф укучылары рәсем ясыйлар,ветеран-нарга котлау открыткалары әзерлиләр. Укытучылар коллективы укучылар белән берлектә сугыш һәм тыл ветераннарына концерт куярга әзерләнә.

9 нчы сыйныф укучылары өчен консультацияләр.

Лесной төп гомумбелем бирү мәктәбенең 9 нчы сыйныф укучылары ныклап имтиханга әзерләнәләр.

Йомгаклау аттестациясенә әзерлек.

Эчке мәктәп контроле планы буенча 9,11 сыйныф укучыларының математика, рус теле фәннәре буенча белемнәре тикшерелә.

9 март көнне Максабаш мәдәният йортында "Ягез әле кызлар, киленнәр"дип исемләнгән кичә үткәрелде.

Кичәдә югары классларда укучы кызлар белән, инде ике-өч бала тәрбияләп үстерүче киленнәр көч сынашты. Кызларыбыз, киленнәребез бик җитезләр дә, тапкырлар да иде.

8 март көнне Шәтке мәдәният йортында "Сезнең гүзәллеккә баш иябез" дип исемләнгән бәйрәм концерты үткәрелде.

Концертта балалар да өлкәннәр дә катнашты. Шулай ук китапханә белән бергә оештырылган "Ак калфак" хатын-кызлар берләшмәсе дә “Аулак өй” күренешен күрсәтте.

8 март көнне Максабаш башлангыч мәктәбендә бик зур бәйрәм булды.

Монда әниләр һәм аларның кызлары төрле спорт ярышларында көч сынаштылар.Ярышлар мәдәният йортында эшләп килүче берләшмәләр чыгышы белән үрелеп барылды. Мәдәният йортында эшләүчеләр белән берлектә оештырылган әлеге бәйрәм катнашучыларга да, ярышны карарга килгән тамашачыларга да бик ошады.

Ямбулат авыл клубында, 8 Март халыкара хатын-кызлар көненә багышланган тамаша-шоу уздырылды.

Хатын-кызларны котларга кояшлы Үзбәкстаннан "Ялла" төркеме, мөселман дөньясының комигы Хуҗа Насретдин үзенең мәзәкләре белән килсә, "Авыл әбиләре" үзләренең киленнәре белән килделәр.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ