Муниципаль районнар Теләче муниципаль районы

ЯҢАЛЫКЛАР

март, 2015 ел

җомга

Тиздән 8 нче март - Халыкара - хатын-кызлар бәйрәме җитә.

Бакчабызда тәрбияләнүче балалар бу бәйрәмне көтеп алалар. Алар инде әзерлек эшләрен башладылар. Әниләренә дип шигырьләр, җырлар, биюләр һәм бүләккә үз куллары белән открытка әзерләделәр.

Бүләкләр ясыйбыз.

Тиздән 8 Март, Халыкара хатын-кызлар бәйрәме җитә. Ә бәйрәмнәр бүләксез үтми. Әниләр өчен баланың үз кулы белән ясалган бүләктән дә кадерлерәк бүләк юктыр. Безнең Иске Җөри балалар бакчасында 8 Март бәйрәменә әзерлекләр башланды.

«Ел укытучысы -2015» конкурсының район туры финалы.

«Ел укытучысы -2015» конкурсының район туры финалы үтте. Анда Шармыш төп гомуми белем бирү мәктәбеннән физика укытучысы Кадирова З.Г. катнашты. Ул бу конкурста катнашкан өчен грамота белән бүләкләнде.

Юбилей медальләре тапшырды

Җиңүнең 70 еллгы якынлашкан көннәрдә, безнең илебезнең тынычлыгын саклап калган Айдар авыл җирлегендә яшәүче тыл һәм сугыш ветераннарына районыбыз җитәкчеләре тарафыннан Теләче муниципаль районы башлыгы ярдәмчесе Фатхуллин А.Г. барлык чакырылган әби- бабайларга юбилей медальләре тапшырды.

Баландыш авылы мәдәният йортында авылыбызның “Кояшкай” балалар бакчасына йөрүче балалар кунакта булдылар.

Бөек Җиңүнең 70 еллыгы уңаеннан алар авылыбызның тыл ветераннары турында, инде бакыйлыкка күчкән сугыш ветераннарының фотоларын карап үзләренә бик күп мәгълүмат алдылар. Информацион – әңгәмә ахырында балалар сәхнәдә “Тынычлык җыры”н җырладылар.

Максабаш мәдәният йортында клуб берләшмәләре һәрдаим үз эшчәнлеген алып бара.

«Балачак» бию коллективы белән 8 март «Халыкара хатын-кызлар» көненә багышланган «Ягез әле әниләр» конкурсына әзерлек алып баралар.

Чангы ярышлары.

5 март көнне Иске Җөри мәктәбендә ДОСААФ белән берлектэ хэрби – интернационалист Илшат Хайруллин истэлегенә багышланган 1999-2000 нче елгылар һәм 1997-1998 нче елгылар арасында чангы ярышлары үткәрдек

5 март көнне Теләче Үзәк балалар китапханәсендә, якташ язучыбыз Рашат Низаминың 65 яшьлек юбилее уңаеннан «Якташ – язучыбыз исеме белән туган ягымны данлыйм» дип исемләнгән әдәби сәгать булып үтте.

Әлеге чара урта яшьтәге мәктәп балалары өчен үткәрелде. Барлыгы 10 кеше катнашты. Балалар китапханәсе мөдире Л.М. Закирова балаларны презентация ярдәмендә Рашат Низаминың биографиясе белән таныштырды.

март, 2015 ел

пәнҗешәмбе

Балалар бакчасыннан нәниләр чакырылды.

5 нче март көнне Баландыш авылы китапханәсенә сугыш һәм хезмәт ветераннарына карата хөрмәт, Ватанны ярату хисләре тәрбияләү максатыннан балалар бакчасыннан нәниләр чакырылды.

Сугыш.. Адәм балаларының каны елга булып аккан дәһшәтле еллар...

Ил өстенә килгән кешелексез сугыш бу чор балалары күңелендә дә мәңгелек яралар калдырды. Ул яраларның мәңге төзәләсе юк. Без тыныч һәм бәхетле тормышта яшибез.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ