Әкият – тупланган тәҗрибәне социальләштерү һәм буыннан буынга тапшыру алымнарының балалар өчен иң гади, аңлаешлы, якын төре.

Безнең 3нче балалар бакчасында даими ике дәүләт теленә өйрәтү буенча заманча эффектив белем технологиясе буларак УМК материаллары кулланыла. Бүгенге көндә  актуаль  бурычлардан иҗади фикерләүче, инициативалы,

иҗтимагый тормышта актив катнашучы,белемле,ике дәүләт телендә дә һәм шул ук вакытта чит телләрдә дә иркен сөйләшеп аралашучы билингваль (полилигваль) шәхес тәрбияләү.

Балаларга бигрәк тә курчак театры ошый. Чын артистлар кебек роль текстларын ятлыйлар, дикция өстендә эшлиләр.  Иң мөһиме бу процесста спектакльдә катнаша торган һәр бала үз кимчелекләренә каршы көрәшә: куркуын, дулкынлануын җиңәргә өйрәнә.