Муниципаль районнар Теләче муниципаль районы

20 октябрь - Пешекчеләр көне.

2017 елның 30 октябре, дүшәмбе

20 октябрьдә Максабаш башлангыч мәктәбендә, балаларда пешекче хезмәтенә ихтирам тәрбияләү максатыннан, һәркемнең күңеленә якын булган зур бәйрәмне билгеләп үттек, бу - пешекчеләр һәм кондитерлар көне иде. Барыбызның да иң яраткан урыны, мөгаен, ашханәдер. Иң элек укучылар безне һәр көнне якты йөз белән, елмаеп каршы алучы, тәмле-тәмле ашлары белән сыйлаучы пешекчебез Нурҗиһан апаны һөнәри бәйрәме белән котладылар, аңа тәмле ашлар пешергәне өчен үзләренең рәхмәтләрен әйттеләр. Аннары пешекче апалары аларга туклану режимы , һәр төр ашка туры килүче ризыклар, аларның сәламәтлеккә тәэсире турында сөйләде.

Көннәрегез үтсен шатлык белән, елмаерга сәбәп булып торсын, тормышлардан гел канәгать булып, өстәлләрдә ризык тулып торсын!

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Эшмәкәрләр өчен "Ачык ишекләр көне" акциясе турында

Үз эшчәнлеге турында белешмәләрнең ачыклыгын һәм үтемлелеген арттыру максатларында 2026 елның 9 апрелендә 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.

март, 2026 ел

24-26 март көннәрендә Кукмара шәһәре «Созвездие-Йолдызлык» фестиваленең зона этабын кабул итеп, чын талантлар сәхнәсенә әверелде.

Бу иҗат бәйрәме үз гөмбәзләре астына осталыкларын күрсәтергә әзер 1000 нән артык яшь талантны җыйды. Катнашучылар арасында Балалар иҗат үзәгендә тәрбияләнүчеләр аерым урын алды. «Сюрприз» үрнәк хореография коллективы һәм «Асылташлар» коллективы үзләренең дәртле биюләре белән тамашачыларның һәм жюри әгъзаларының йөрәкләрен яулап алдылар. Аларга җырчылар Рәхимова Әминә һәм Нурмөхәммәтов Солтан да кушылды. Аларның көчле тавышлары һәм тирән эчтәлекле башкарулары беркемне дә битараф калдырмады, вокал сәнгатенең югары дәрәҗәсен күрсәтте.

26 март көнне Теләче районына эшлекле сәфәр белән Россия Герое - Рәсим Баксиков килде.

Ул “Киләчәк” яшьләр үзәгендә эшләп килүче түгәрәкләр эшчәнлеге белән танышты. Аны Теләче балалар китапханәсендә “Смешарики” кызыксындыру клубына йөрүче мәктәпкәчә яшьтәге балалар каршы алды.

«Эко-киләчәк: яшел һөнәрләр»

2026 елның 26 мартында Шәдке балалар бакчасы базасында «Эко-киләчәк: яшел һөнәрләр» район конкурсы булып узды, ул экология һәм табигатькә сакчыл караш белән мавыгучылар өчен мөһим вакыйгага әверелде. Әлеге бәйгедә Теләче 3нче номерлы балалар бакчасында тәрбияләнүчеләребез катнашты.

ЯҢАЛЫКЛАРГА ЯЗЫЛУ