Муниципаль районнар Теләче муниципаль районы

2017 елның 14 ноябрендә Теләче урта мәктәбе базасында башлангыч сыйныф укытучылары өчен фәннәрне авыр үзләштерүче балалар белән эшләү тәҗрибәсен тарату буенча уку оештырылды.

2017 елның 17 ноябре, җомга

Алан урта мәктәбенең башлангыч сыйныф укытучылары Хәсәнова Гөлсия Әхмәт кызы “Укучыларны тикшеренү эшләренә әзерләү”, Сафиуллина Әминә Тимергали кызы “Математика, рус теле, татар теленнән фәннәрне авыр үзләштерүче укучылар белән эш”, Олы Нырсы урта мәктәбе укытучысы Сафина Рамиля Мансур кызы “Дәресләрдә фәннәрне авыр үзләштерүче укучылар бәлән эшләгәндә яңа белем бирү технологияләрен куллану” дигән темага эш тәҗрибәсеннән мастер – класслар күрсәттеләр. Район методик берләшмә җитәкчесе Фархуллина Гөлнара Җәлил кызы “Фәннәрне авыр үзләштерүче укучыларның физиологик үзенчәлекләре” дигән темага чыгыш ясады.

Башлангыч сыйныфларны укыту буенча методист Закирова Саҗидә Гайнулла кызы тарафыннан семинарга йомгак ясалды.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2024 ел

Эшмәкәрләр өчен "Ачык ишекләр көне" акциясе турында

Үз эшчәнлеге турында белешмәләрнең ачыклыгын һәм үтемлелеген арттыру максатларында 2024 елның 15 маенда 14.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.

«Йөрәкләрдә Тукай эзләре, күңелләрдә Тукай сүзләре»

Күкчә авыл китапханәсендә бөек татар шагыйре Габдулла Тукайның тууына 138 ел тулу уңаеннан «Йөрәкләрдә Тукай эзләре, күңелләрдә Тукай сүзләре» дип исемләнгән шигъри сәгать үткәрелде. Чара барышында китапханәче балаларны шагыйрьнең иҗаты белән таныштырды, “Тылсымлы сүзләр” берләшмәсенә йөрүчеләр Тукай истәлегенә багышланган шигырьләр укыдылар. Чара «Туган тел» җырын бергәләп башкару белән тәмамланды. Китапханәдә шулай ук «Габдулла Тукай - татар шигърияте кояшы» дип исемләнгән китап күргәзмәсе эшләнде, тәкъдим ителгән китапларга күзәтү ясады.

Йолдызлы сәгать узды.

26 апрель көнне Иске Җөри авылы модель китапханәсендә татар халкының бөек шагыйре Габдулла Тукайның тууына 138 ел тулу уңаеннан “Пушкин картасы” кысаларында “Тебя бесценный наш Тукай чтит мир и чтит народ родной” дип исемләнгән йолдызлы сәгать узды. Йолдызлы сәгаттә катнашучылар ике командага бүленеп, белемнәрен сынап карадылар: төрле биремнәр үтәделәр, сорауларга җавап бирделәр, Тукайның шигырьләрен кычкырып укыдылар. Әлеге чараның максаты: балаларны Г.Тукайның тормышы һәм иҗаты белән таныштыру, язучының әсәрләренә мәхәббәт һәм сакчыл караш тәрбияләү тора. Кичәнеӊ ахыры Г.Тукайныӊ «Туган тел» җыры белән тәмамланды.

«Гаиләм йолалары»

Россиядә Гаилә елы кысаларында, Иске Җөри авылы модель китапханәсендә балалар һәм аларның әниләре өчен «Гаиләм йолалары» дигән очрашу уздырылды, анда кунакларыбызны тәрбия һәм әхлакый әһәмияткә ия булган һәм буыннан-буынга тапшырыла торган татар халкының йолалары, бәйрәмнәре, гореф-гадәтләре белән таныштырдылар. Чара барышында гаиләләр «Сәнгатьле сүз», «Гаиләнең яраткан ризыгы», «Әдәби викторина», «Мода күрсәтү» конкурсларында көч сынаштылар, гаилә турында табышмакларны бергәләп чиштеләр, уеннар уйнадылар һәм гаиләләрдә барлыкка килгән төрле тормыш ситуацияләре турында фикер алыштылар. Чара самавыр янында чәй эчү белән тәмамланды.

ЯҢАЛЫКЛАРГА ЯЗЫЛУ