Муниципаль районнар Теләче муниципаль районы

Мини-футбол буенча Татарстан беренчелеге уеннары узды.

2017 елның 20 ноябре, дүшәмбе

17-19 ноябрь көннәрендә Аксубай шәһәрендә 2004-2005 елгы яшүсмерләр арасында мини-футбол буенча Татарстан беренчелеге уеннары узды. Ярышта районыбызның балаларга белем һәм тәрбия бирү үзәгендә шогыльләнүче үсмерләр катнашты (тренерлары – балаларга өстәмә белем бирү педагогы Артур Хәбиров). Уеннарда республика районнарыннан 32 команда катнашты. Нәтиҗәләр түбәндәгечә: Питрәч һәм Спас районы командалары белән тигез очкога уйнап һәм Бөгелмә районы командасына 1:2 исәбе белән җиңелеп, безнең егетләр 17 урынны яулады.1 урын- Казан шәhәренең Вахит районы, 2 урын-Аксубай,3 урын– Баулы.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2024 ел

«Күн туп» республика ярышларының муниципаль этабы узды.

21 майда Теләче стадионында 2012-2013 һәм 2014-2015 елларда туган егетләр арасында футбол буенча «Күн туп» республика ярышларының муниципаль этабы узды.

21 май көнне Пушкин картасы белән “Эбру – матурлык дөньясы” исемле мастер класс узды.

Эбру сәнгате нидән гыйбарәт соң? Гади генә әйткәндә, махсус эбру буяулары белән суда рәсем ясауда. Әмма су да гади түгел, ул гевен үсемлеге сумаласыннан ясалган порошок белән куертыла. Суны дөрес итеп ясау да зур осталык сорый. Рәсем ясалып беткәч, су өстенә кәгазь салып, аны сак кына «тартып» чыгаралар. Рәсем кәгазьгә күчә, ә су чиста кала. Мондый гадәти булмаган мастер класс зур тырышлык һәм сабырлык таләп итә. Әлеге чарада катнашучылар белгеч Нуртдинова Рәзинә Сәлимовна җитәкчелегендә оригиналь, искиткеч матур рәсем ясауның бөтен процессын өйрәнделәр.

18 майда Казанның Волейбол үзәгендә 2023-2024 елгы мәктәп волейбол лигасының финал турниры узды.

Районыбыз данын Шәтке урта мәктәбенең кызлар командасы яклады. Алар турнирның көмеш призерлары булдылар. Җитәкчесе Гөлфия Мөхәммәтвасил кызы. Чын күңелдән котлыйбыз һәм киләсе сезонда зур җиңүләр телибез!

"Мәктәптә футбол лигасының" зона этабы үтте.

Казан шәһәрендә 2010 -11, 2012-2013 нче елгы кызлар һәм егетләр арасында "Мәктәптә футбол лигасының" зона этабы үтте. Әлеге ярышларда Теләче урта мәктәбенең егетләр командасы 3 нче урынга лаек булды. Ә 2010-11 нче елгы кызлар командасы уенда җиңеп, 27-28 май көннәрендә Казанда үтәчәк финал уеннарына юллама отты. Җитэкчеләре Рафил Хәкимов. Кызларга уңышлар телик!

ЯҢАЛЫКЛАРГА ЯЗЫЛУ