2017 елның 28 ноябрендә Теләче урта мәктәбе базасында “Рефлексия – хәзерге заман дәресенең төп таләбе” дигән темага башлангыч сыйныф укытучыларының киңәшмәсе үткәрелде.
Узәк урта мәктәбенең башлангыч сыйныф укытучысы Низамиева Люция Рифкат кызы “Рефлекцион эшчәнлекнең мәгънәсе һәм роле” , Теләче урта мәктәбе укытучысы Әскарова Фирдәүс Мәснәви кызы “Пеагогик процесста рефлекциянең функцияләре”, Олы Мәтәскә мәктәбе укытучысы Камалиева Сөмбел Ибраһим кызы “Укыту эшчәнлегендә рефлекциянең төрләре”, Югары Кибәхуҗа урта мәктәбе укытучысы Шаяхмәтова Илсияр Рамил кызы “Рефлекция – дәрес этабы. Төрләре, алымнары, үрнәкләре” дигән темага чыгыш ясадылар. Башлангыч сыйныфлар буенча методист Закирова Саҗидә Гайнулла кызы “Метапредметлы укыту һәм метапредметлы технологияләрнең асылын үзләштерү” дигән темага чыгыш ясады.
Соңыннан методист Закирова С.Г. һәм башлангыч сыйныф укытучыларының методик берләшмәсе җитәкчесе Фәрхуллина Гөлнара Җәлил кызы тарафыннан киңәшмәгә йомгак ясалды.