Бу атнада укучыларда Ватаныбыз тарихы белән кызыксыну уяту, мөстәкыйль эш күнекмәләре үстерү максатыннан, Кече Кибәхуҗа төп мәктәбендә тарих атналыгы үтә. Атналык кысаларында мәктәпкүләм дәрестән тыш чаралар планлаштырыла. Атналыкны нәтиҗәле итү өчен укытучы Рахматуллина А.Ә. тарафыннан ныклы әзерлек алып барылды, чаралар кызыклы һәм мавыктыргыч итеп планлаштырылды. Бүген яшь тарихчылар 2-7 сыйныф укучылары өчен мәктәп музеена экскурсия оештырдылар.