Балаларга акыл тәрбиясе бирүдә, интеллектларын үстерүдә математика зур роль уйный.
Бары тик математикада гына балаларның аң – белем эшчәнлеген, фикерләү сәләтләрен үстерүгә зур мөмкинлекләр бар. Ә аларны кечкенә яшьтән үк формалаштыру өстендә эшчәнлекне Теләченең 3нче номерлы балалар бакчасы тәрбиячеләре даими алып бара.
Бигрәк тә мәктәпкәчә яшьтәге балаларның танып – белү эшчәнлеген активлаштыру һәм иҗади эшчәнлеген үстерүдә дидактик уеннар зур әһәмияткә ия. Чөнки уен – баланың ихтыяҗи дөньясы ул.
Математика шөгыльләрендә кулланыла торган дидактик уеннар балаларны мавыктырып кына калмый, ә мөстәкыйльлек, җитезлек, тапкырлык кебек сыйфатлар да тәрбияли, фикерләр үстерүгә дә ярдәм итә. Күпчелек уеннар төрле авырлыктагы биремнәрдән төзелгәнгә күрә, балаларның индивидуаль үзенчәлекләрен исәпкә алырга мөмкинлекләр бирә.