Яз -табигатьнең иң матур фасылларыннан берсе.

Апрель ае чисталык таләп итә торган ай. Бөтен дөнья яшәрә, яшелләнә. Ләкин табигать уяну белән без дә  игьтибарсыз калмаска тиеш. Кар астыннан чыккан чүпләрне җыештыру, карлар тарату безнең язгы иң мөһим эшләр. Лесной балалар бакчасында да коллектив белән җыелып өмәгә чыктык. Бакча тирәсендә кипкән җирләрне  себереп, чүпләрен түктек, чәчәк клумбаларын чистарттык, карлар тараттык. Бергә эшләгәндә  күңелле, эшләгән эш тә күзгә бик тиз күренә. Бакча тирәсе чиста булгач, матурланып китте, кешеләр килгән вакытта да рәхәт.