Юл йөрү кагыйдәләрен өйрәнәбез

2018 елның 16 августы, пәнҗешәмбе

Бу атнада Теләче 2нче балалар бакчасында Казан шәһәрендәге "Юл хәрәкәте иминлеге" профилактика бүлеге территориаль идарәсенең Саба районы бүлеге җитәкчесе Ягафарова Г.Н. зурлар һәм мәктәпкә әзерлек төркеме балалары белән әңгәмә оештырды. Әңгәмә барышында ул балаларга тагын бер кабат юл йөрү кагыйдәләрен искә төшереп үтте, светофор төсләрен кабатлады. Аннан соң балалар бергәләшеп “Пазл җый”, “Уйла һәм җавап бир” кебек дидактик уеннар уйнадылар һәм юл билгеләре төшерелгән рәсемнәр буядылар.