Һәр ел саен 22 август - Россия Дәүләт флагы көне дип билгеләп үтелә.

2018 елның 22 августы, чәршәмбе

Әлеге көн бер яктан истәлекле булса, икенче яктан ватандашларыбыз алдында горурлык хисләре уята.

Теләченең 3нче балалар бакчасы тәрбиячеләре бүген төрле чаралар үткәрделәр. Балалар Рәсәйнең флагы һәм аның төсләренең нәрсәне аңлатканлыгы турында әңгәмә  тыңладылар, аннары флагны рәсемгә төшерделәр. Чара барышында туган ил турында төрле шигырьләр дә яңгырады.  Балалар «Рәсәйнең шәһәрләрен искә төшер» исемле викторинада бик актив катнаштылар, «Чишмәкәй» исемле рус халык уенын уйнадылар.