Пожар булган очракта эвакуация ясарга өйрәтү.

2018 елның 10 сентябре, дүшәмбе

3  нче  сентябрь  көнне Теләче урта мәктәбендә “Пожар булган очракта һәм гадәттән тыш хәлләр вакытында мәктәп коллективын эвакуацияләүне оештыру” дигән темага  өйрәнү эвакуациясе  үткәрелде. Укучылар һәм укытучылар алдында,  пожар вакытында үз – үзеңне тоту, дөрес эвакуация ясауны аңлатып,  Теләче муниципаль районында гражданнар оборонасы буенча  әйдәп баручы консультант О.Б. Хомченко чыгыш ясады.  Мәктәп директоры Р.Р. Назипов балаларны гадәттән тыш хәлләр вакытында , пожар булган очракта  эвакуация ясарга  өйрәтүне системалы рәвештә дәвам итәргә кирәклеген искәртте.