13 сентябрь көнне, татар халкының күренекле язучысы Абдулла Алишның тууына 110 ел тулу уңаеннан, Айдар авылы китапханәчесе башлангыч сыйныф укучылары өчен "Язучы да Алиш, батыр да, яшен булып яуда яшәгән"дип исемләнгән кычкырып уку сәгате үткәрде.

2018 елның 17 сентябре, дүшәмбе

Балалар язучының тормышы һәм иҗаты турында мәгълүмат тыңладылар, аның «Ана әкиятләре» китабындагы әкият геройлары белән таныштылар. Чара барышында А. Алишның "Мактанчык Чыпчык белән Тыйнак Сыерчык", "Бикбатыр белән Биккуркак", "Ялкаулык - хурлык, тырышлык – зурлык", "Куян кызы", "Койрыклар"әкиятләре укылды.

Балалар укылган әкиятләр турындагы фикерләре белән уртаклашып – А. Алишның барлык әкиятләре безгә тормышта яхшылыкны, яманлыкны күрергә, хезмәт сөючән, өлкәннәрне яратырга һәм хөрмәт итәргә, игелекле булырга өйрәтә дигән фикерләрен җиткерделәр, өйдә уку өчен әкиятләрен алдылар.