Һәр атнаның пәнҗешәмбесендә “Ахирәтләр” китапханәгә җыела. Бу берләшмә халкыбызның милли йолаларын кире кайтару, гореф гадәтләрен яшь буынга тапшыру өстендә эш алып бара. Шулай ук киңәш – табыш, сәламәтлек темалары да читтә калмый. Китапханәгә килгән газет – җурналлар, китаплар белән дә даими танышып барабыз, күңелле әңгәмәләр корабыз, бергәләп кул эшләре эшлибез. Бүгенге очрашуыбызда берләшмәнең иң актив әгъзәсе булган Гәмбәрия Нигъмәтҗанованың 70 яшьлек юбилеен үткәрдек.