Бөек Ватан сугышы мемориал – музее җитәкчесе М.В. Черепанов белән очрашу.

21 декабрь    көнне  Теләче урта мәктәбе укучылары Казан Кремлендә  Бөек Ватан сугышы мемориал – музее  җитәкчесе М.В. Черепанов белән  очраштылар. Очрашуда   Теләче муниципаль районы башкарма комитеты җитәкчесенең социаль мәсьәләләр буенча  урынбасары  А.А. Нурмөхәммәтов, мәгариф бүлеге җитәкчесе Н.В. Карпова  һәм ветераннар советы җитәкчесе урынбасары С.Г. Гыйльмиев  катнашты.  Бөек Ватан сугышында һәлак булган һәм хәбәрсез югалган солдатларны эзләү буенча зур эш алып барган,  Бөек Ватан сугышы мемориал – музее  җитәкчесе М.В. Черепанов безнең якташларыбызның да истәлекле документларын табарга булышкан. Үзләренең Бөек Ватан сугышында һәлак булган һәм хәбәрсез югалган солдатларны эзләгән якташларыбыз Бөек Ватан сугышы мемориал – музее  җитәкчесе М.В. Черепановка мөрәҗәгать итә ала. Очрашу  һәркем өчен бик кызыклы булды.