Гадәттәгечә, безнең Теләченең беренче номерлы балаларбакчасында “Кышкы кече Олимпия уеннары” башланды.

2019 елның 30 гыйнвары, чәршәмбе

Ярышлар 15-31 гыйнварда үткәрелә. Көрәш “каты” бара, ярышларны гадел хөкемдарлар бәялиләр.Ярышларда 4 төркем катнаша: 2 кечкенәләр, уртанчылар, зурлар, мәктәпкә әзерлек төркемнәре. Барлык командалар да бик тырыш, зирәк, көчле. Алар барлык кышкы спорт төрләрендә дә - хоккей, чаңгы ярышы, «күңелле стартлар»да  бик теләп катнашалар. “Кышкы  кече Олимпия уеннары” ябылу тантанасында командаларга дипломнар тапшырылачак, ә иң көчле һәм җитез катнашучылар медальләр белән бүләкләнәчәк. Тәрбиячеләр дә балалардан калышмыйлар: барлык төр ярышларда да катнашып үз көчләрен сыныйлар.