Алдынгы тәҗрибәне тарату, талантлы һәм иҗади эшләүче педагог - психологларга ярдәм итү максатыннан бүген " Педагог-психолог – 2019» конкурсының район туры үткәрелде.
Конкурсның экспертлары мәгариф бүлеге белгечләре һәм методистлары- Геласимова А.П., Шакирова Г.Н. ,Хаҗипова С. Н. булдылар.
Визит карточкасы һәм мастер-класс кысаларында, конкурста катнашучылар тарафыннан психологик-педагогик практиканы тормышка ашыру, һөнәри эшчәнлек кысаларында белем бирү мөнәсәбәтләрендә катнашучыларга психологик-педагогик ярдәм күрсәтүнең инновацион технологияләрен куллану буенча педагогик тәҗрибә күрсәтелде. Конкурс нәтиҗәләре буенча 1 урынны Зиннатова Г. Р., Теләченең 2 нче балалар бакчасы педагог - психологы, 2 урынны Хабирова Ф. Ф. , Теләченең 1 нче балалар бакчасы педагог-психологы алды.
Җиңүчеләргә мәгариф бүлегеннән грамоталар һәм бүләкләр тапшырылды. Аларга 2019 елның 20 февралендә узачак конкурсның зона этабында катнашырга туры киләчәк. Безнең конкурсантларга уңышлар телик!