Милләтнең дәвамы булыр өчен, үз халкыңның тарихын, телен, мәдәниятен белергә кирәк.

2019 елның 25 феврале, дүшәмбе

21 гасыр татар егете бугенге көндә нинди? Шул сорауга җавап табыр өчен  Иске Җөри авылы мәдәният йортында «Татар егете» конкурсы үткәрелде. Конкурсның максаты – мәктәп укучыларының иътибарын татар халкының мәдәниятен, әдәбиятын, тарихын ныклабрак өйрәнүгә юнәлтү, укытучыларның тәрбия эше сыйфатын күтәрү, сәләтле балаларны ачыклау. Бәйгедә төрле авыллардан килгән  егетләр көч сынашты. Алар халкыбызның тарихын, гореф-гадәтләрен яхшы белүләрен исбатладылар. Ә “Татар егете” исеменә Иске Җөри урта мәктәбенең 8 сыйныф укучысы Вахитов Ислам лаек булды. Котлыйбыз!