Иске Җөри урта мәктәбендә 1-8 сыйныфлар өчен “Уңыш бәйрәме” үтте. Бу чарага укучылар бик нык әзерләнделәр. Һәрберсе табигать материалларыннан матур-матур кул эшләре ясадылар, һәр сыйныф концерт номеры әзерләде, кызыклы әсәрләрдән өзекләр сәхнәләштерделәр. Бәйрәмне мәктәпнең театр коллективы Туфан Миңнуллинның “Кулъяулык” әсәре белән башлап җибәрде. Конкурслар бер-бер артлы концерт номерлары белән үрелеп барды. Көзге бал бәйрәме, чын мәгънәсендә, уен-көлке, җыр-биюгә бай булды.