24 март көнне Теләче балалар китапханәсендә балалар китабы атналыгы башланып китте.

2021 елның 31 марты, чәршәмбе

Атналыкның беренче көнендә башлангыч сыйныф укучылары өчен «Сказки со всего света» дигән әкият кичәсе үткәрелде. Әкиятләр уку ярдәмендә иҗади, эстетик яктан алга киткән укучы тәрбияләү безнең бурычыбыз. Шуңа күрә, «терапия» максатында файдалану өчен әкиятнең дөрес сайлануы, аның тәрбияви яктан уңышлы булуы мөһим. Бүген балалар өр-яңа әкиятләр белән таныштылар, яхшылык һәм яманлык, геройларының төрле образлары турында фикер алыштылар. Әкият терапиясе кулланып бик күп мөмкинлекләр ачырга мөмкин, моннан без дөрес итеп файдаланырга һәм балага әкиятләр аша чынбарлык белән танышырга ярдәм итәргә тиешбез.