"Туган тел табышмаклары"

2021 елның 15 апреле, пәнҗешәмбе

Алан авыл китапханәсендә китап укучылар берләшмәсенә йөрүче балалар өчен Туган телләр һәм халыклар бердәмлеге елына багышланган "Туган тел табышмаклары" исемле чара узды. Китапханәче балаларга планетадагы телләрнең күптөрлелеге, туган телнең халык хәтере, аның рухи көче булуы турында сөйләде, бөек язучыларның һәм шагыйрьләрнең татар теле турында әйтемнәрен укыды. Ә очрашуның иң кульминацион мизгеле "Уйлап тап!" уены булды. Балаларга чара ошады, алар бик теләп уеннарга катнаштылар.