Шәдке балалар бакчасында татар халык хәрәкәтле уеннары көне үткәрелде

Татарстан халыкларының туган телләре һәм бердәмлеге елы планын тормышка ашыру кысаларында Шәдке балалар бакчасында татар халык хәрәкәтчән уеннары көне үткәрелде. Балалар бакчасында хәрәкәтле уеннарга зур игътибар бирелә, чөнки нәкъ менә алар балаларның физик үсешенә ярдәм итә, аларның сәламәтлеген ныгыта. Кечкенәләр белән "Миннебай", "Түбәтәй", зурлар белән "Соры бүре",”Казларыи кайтыгыз”,”Кабыргалы тамчылы” "татар халык уеныннарын уйнадылар. Уеннар ярдәмендә мәктәпкәчә яшьтәге балалар үз теләкләрен башкалар белән килештерергә, иптәшләр алдында җаваплылык тоярга өйрәнделәр. Уртак шатлык, күмәк ярыш балаларны шәхес буларак үстерә һәм камилләштерә.