ЯҢАЛЫКЛАР
"Хәтер бакчасы" акциясе. Акция Россия буенча, Бөек Ватан сугышында Җиңүнең 75 еллыгы уңаеннан уздырыла. 27 млн һәлак булучы истәлегенә 27 млн агач утырту планлаштырыла. Иске Җөри авылы мәдәният хезмәткәрләре дә әлеге акциягә кушылды.
22 апрель Җир көне уңаеннан, Иске Җөри авылы китапханәчесе Вологодск өлкәсенең «Соколка район ҮБСЫ» балалар китапханәсе оештырган «ЗЕМЛЯ В ОБЪЕКТИВЕ» дигән ФОТОАКЦИЯДӘ катнашты һәм сертификат белән бүләкләнде.
Айдар авыл китапханәсе «Яз.Тукай. Шигърият» акциясенлә катнашкан өчен сертификат белән бүләкләнде. Акцияне «Алабуга муниципаль районының Үзәкләштерелгән китапханәләр системасы» муниципаль бюджет учреждениесе оештырды.
Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт тарафыннан яшелчә, җиләк-җимеш продукциясенең сыйфаты һәм иминлеге мәсьәләләре һәм яраклылык сроклары буенча 2020 елның 1 маеннән 15 маенә кадәр «кайнар линия» оештырыла. Барлык кызыксындырган сораулар буенча 8 800 555 49 43 номеры буенча шалтыратырга мөмкин
Хөрмәтле райондашлар! Һәркемгә якын булган 1нче Май бәйрәмен билгеләп үтәбез. Чорлар арты чорлар алмашына, ә Беренче Май безнең өйләргә һәр елны көтеп алынган язның тагын бер якты билгесе – яңарыш буларак килеп керә. Әлеге бәйрәм - барлык хезмәт ияләре өчен бердәмлек һәм теләктәшлек көне. Ул - илне, төбәкне үстерүдә көн саен үзенең хезмәте белән өлеш керткән һәркемнең бәйрәме.
Татарстанда пандемиядән иң зур зыян күргән тармакларда эшләүче оешмалар өчен федераль ярдәм чаралары карала. Шуларның берсе - процентсыз кредитлар. Кредит өчен процентлар федераль бюджет хисабына капланачак.
Рөстәм Миңнеханов катлаулы эпидемиологик вазгыятьтә халыкка социаль ярдәм күрсәтүче активистлар белән очрашты һәм аларның «Ярдәм янәшә! Помощь рядом!» республика хәрәкәтен төзү инициативасын хуплады. Төзелеп килә торган «Ярдәм янәшә! Помощь рядом!» республика массакүләм хәрәкәте бүгенге көндә авыр тормыш хәлләренә тарыган кешеләргә ярдәм итү юнәлешендә иҗтимагый оешмаларның, волонтерларның, бизнес һәм хакимиятнең көчен берләштерүне күздә тота.
Урта Мишә авыл китапханәе «Имин хезмәт - һәр кешенең хокукы» исемле онлайн күргәзмә тәкъдим итте. Бөтендөнья хезмәтне саклау көне 2003 елдан бирле ел саен билгеләп үтелә. Ел саен бәйрәмнең девизы үзгәрә, әмма ул һәрвакыт кешеләрнең иминлеген тәэмин итү һәм саклау белән бәйле.
Иске Җөри авылы китапханәсе Чаллы шәһәренең 1 нче номерлы китапханәсе оештырган “Поэтический сабантуй” дип исемләнгән акциясендә катнашты һәм диплом белән бүләкләнде.
Иске Җөри авылы китапханәсе Арча районы Туфан Миңнуллин исемендәге Яңа Кенәр авылы китапханәсе үткәргән ТАССРның 100 еллыгына багынланган “Мой любимый Татарстан” дип исемләнгән акциядә катнашып диплом белән бүләкләнде.