ЯҢАЛЫКЛАР

21
сентябрь, 2015 ел
дүшәмбе
Бадминтон ярышында.
 19-20 нче сентябрь  көннәрендә Алабуга шәһәрендә   Алабуга муниципаль районы Башлыгы призына бадминтон буенча ачык  ярышлар үткәрелде. Бу ярышларда  Баландыш төп мәктәбенннән   Музафаров Азат, Назипов Зөлфәт, Заббаров Адель , Галимов Даниллар катнашты.  
Ямбулат авылы клубында 18 сентябрьдә башлангыч класс укучылары белән фольклор кичәсенә әзерләнү башланды.
Йөзек салыш,түгәрәк уеннары уйналды. Балалар табышмакларның җавабын, мәкальләрнең дәвамын таптылар.Татар халкының борынгы йолалары китабы буенча фикер алыштылар.
“Бәйләү иле”.

Балалар иҗат үзәгенең “Бәйләү иле” түгәрәгенә йөрүче укчылар, өстәмә белем бирү педагогы Шаипова Раъно Исам кызы җитәкчелегендә, “Балачак” бию коллективы өчен татар милли костюмнары тегү эшен башладылар. Укучылар әлеге түгәрәккә бик теләп йөриләр, елдан - ел аларның кызыксынучанлыклары арта бара.
Шәтке авылы мәдәният йортында өлкәннәр көненә әзерлек эшләре бара.
Җыр - бию берләшмәсенә йөрүче кызлар яңа бию өйрәнәләр. Җитәкчеләре мәдәният йорты директоры Флера Габдуллина.
Спорт ул - яшәү рәвеше.

Һәрбер кеше сау-сәламәт һәм нык булу өчен спорт белән дус булырга, шөгыльләнергә тиеш.

  Урта Мишә авылы мәдәният хезмәткәрләре дә  нәкъ шулай уйлыйлар. Шул уңайдан мәдәният йортында  студентлар  һәм балалар арасында теннис ярышы уздырылды. 
Олы Нырсы мәдәният йортында өлкәннәр көненә карата "Бер яшьлектә - бер картлыкта" исеме астында уздырылачак кичәгә репетицияләр бара.
Әлеге кичә укучылар һәм студентлар белән берлектә оештырыла. Шулай ук авыл җирлегебездә яшәүче өлкәннәребез өчен чәй табыны да әзерләнәчәк.
18 сентябрь көнне Казанда “Казан-Арена” стадионының ачык мәйданындагы урман кисүчеләр арасында “Лесоруб-2015” Россия чемпионатын рәсми ачу тантанасы уздырылды.
Тантанада ТР Премьер-министры Илдар Халиков, ТР Дәүләт Советының экология, табигатьтән файдалану, агросәнәгать һәм азык-төлек сәясәте комитеты рәисе Таһир Һадиев, Россия урман сәнәгатьчеләре һәм урман экспортлаучылар берлеге президенты Мирон Тацюн, ТР урман хуҗалыгы министры Алмас Нәзиров һ.б. рәсми затлар катнашты. Россия урман сәнәгатьчеләре һәм урман экспортлаучылар берлеге президенты сүзләренә караганда, бу төр ярышлар РФ Хөкүмәтенең урман хуҗалыгы өлкәсенә аерым игътибар бирүне, бу өлкә хезмәткәрләренең абруен һәм һөнәрилеген күтәрүне күз уңында тоткан карары нигезендә уздырыла. 
Татарстанда игълан ителгән экстремизмны кисәтүгә һәм аның белән көрәшкә багышланган айлык кысаларында Айдар авыл китапханәсе, мәдәният йорты белән берлектә экстремизмга каршы көрәш максатында "Экстремизм, терроризм, угроза, общество” темасы буенча әңгәмә үткәрде.
Әңгәмә барышында балалар дуслык ул бер –береңә хөрмәт кенә түгел,ә башка милләт халыклары белән дус, тату яшәү икәне ассызыкланды. Чараның икенче өлешендә балаларга “ Сак бул – экстремизм!”- компьютер презентациясе күрсәтелде.
Кече Нырсы башлангыч мәктәбенең мәктәп яны тәҗрибә участогында көзге эшләр бара.

Суган, помидор, чәчәк түтәлләре казылды. Җылылыкны саклау максатыннан мәктәпнең эчке яктан нигезенә балчык тутырылды.       
"Алтын көз" экскурсиясе.
18 енче сентябрь көнне Максабаш башлангыч мәктәбе  укучылары  көзге табигатькә экскурсиягә барды. Табигатьнең сары киемгә төренгән бу мизгелен күзәтү күңелләргә бер рәхәтлек тә, рухи байлык та бирде. Саф һава сулап,  басуларны,  елгаларны, урманы  күзәтеп кайттылар балалар. Күргәннәрен, тасвирлап, сөйләп тә карадылар.  
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International