Муниципаль районнар Теләче муниципаль районы

ЯҢАЛЫКЛАР

апрель, 2015 ел

пәнҗешәмбе

9 апрель көнне Югары Кибәхуҗа урта мәктәбендә район мәгариф бүлеге психологы Зиннатова Г.Р. 9,11 класс укучылары белән тренинг үткәрде. Укучылар психологик- диагностика сорауларына җавап бирделәр.Укучылар үзләренең Бердәм дәүләт имтиханнарына әзерлекләрен барладылар. Бу тренинглар укучыларны үз-үзләрен тәртиптә тотарга ярдәм итә.

7 апрель-Бөтендөнья Сәламәтлек көне.

Шул уңайдан Олы Мишә авыл мәдәният йорты директоры бөтендөнья сәламәтлек көнен, түгәрәк өстәл формасында уздырды. Әңгәмәдә алкоголь һәм тәмәкенең зыяны турында сөйләнелде.

Бүген Әбде урта мәктәбендә Бөек Җиңүнең 70 еллыгына багышланган дәрес булды.

Аны тарих укытучысы Шакуров Т.Р.һәм тәрбия эшләре буенча директор урынбасары Хасанова Р.М.үткәрде.Дәрестә укучылар фильм карадылар..Аннан соң укучылар чыгыш ясадылар.

“Бүген бездә туган көн” куңел ачу кичәсенә җыйналдылар.

8 апрель көнне Алан һәм Балыклы авылы мәдәният йортларының иҗат төркемнәренә йөрүче яшьләр “Бүген бездә туган көн” куңел ачу кичәсенә җыйналдылар.

Рейд булып узды.

9 апрель көнне Теләче муниципаль районы Башкарма комитетынын административ хокук бозулар буенча беркетмәләр төзүдә вәкаләте булган хезмәткэрлэре тарафыннан Лесной поселогы һәм Олы Мәтәскә авылына чираттагы рейды булып узды.

Лесной авылы клубында «Күңелле яшик» дип исемләнгән кичә уздырылды.

Клубта балалар өчен берләшмәләр күп булганлыктан, кичәдә балаларча бик күңелле узды. Кичәне КВН формасында уздырылды. Курчак театрында кулланыла торган персонажлар белән төрле күренешләр күрсәтелде.

Югары Мәтәскә авылы клубында Бөек Җиңүнең 70 еллыгына карата «Җиңү алып килде язлар» дигән музыкаль кичә булды.

Кичәгә тыл ветераннары һәм сугыш чоры балалары чакырылды. Кичәдә Туфан Миннулинның «Ай булмаса йолдыз бар» исемле спектакльдән өзек күрсәтелде. Анда «Сәхнә үзе ул тормыш» дип исемләнгән драм берләшмәсенә йөрүчеләр катнашты.

Шушы көннәрдә Ямбулат авылы клубында "Алар даны мәңгелек" дип исемләнгән кичәгә әзерлек эшләре башланды.

8 апрельдә Ямбулат башлангыч мәктәбе укучыларын чакырып М.Давлетшина белән М.Җәлилнең "Ромашка " шигыренә инценировка эшләнелде. Укучыларга сугыш вакыты җырлары өйрәтелә.

“Бөек хәтер”.

9 апрель көнне Күкчә авылы китапханәсендә Җиңүнең 70 –еллыгы уңаеннан “Бөек хәтер” -дип исемләнгән стенд эшләнде. Бу стендка һәр авыл кешесе Бөек Ватан сугышында һәлак булган һәм хәбәрсез югалган кешеләргә йолдыз куя һәм исем,фамилиясен яза.

Өлкәннәрнең өйләренә барып китапханә хезмәте күрсәтү максатында "Һәр өлкәнгә - рухи юл" дип исемләнгән акция игълан ителде.

Шул акция кысаларында Урта Мишә авылы китапханәчесе Мухаметшина Г. 9 апрель көнне өлкәннәрнең өйләренә барып яңа кайткан китаплар, газета-журналлар белән таныштырды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ