ЯҢАЛЫКЛАР

23 гыйнвар көнне Олы Кибәхуҗа авылы мәктәбендә ата-аналар җыелышы булып узды.

Җыелыш ашату мәсъәләсе, 11 сыйныф укучыларның сайлау фәннәреннән алачак экзаменнары  турында барды. Ата-аналар үзләрен борчыган сорауларга җавап алдылар. Ашату мәсъәләсе буенча сорауларга Маннанов Р.И. һәм Мифтахова С.Г., экзаменнар буенча сорауларга  укыту эшләре буенча директор урынбасары Галимова С.М.  җавап бирде.

Һава торышының түбән булуы нәтиҗәсендә башлангыч сыйныф укучылары физкультура дәресендә саф һавада чаңгыда шумадылар.

Шуңа күрә Әбде авылы мәктәбендә  аларны дәрестә теоритик әзерлекне артырырга ирештеләр. Балалар чаңгы шуганда куркынычсызлык  кагыйдәләренең үтәлергә тиешлеген өйрәнделәр. 

23 январь көнне Шәтке авылы китапханәсендә "Татарстан Республикасы милли китапханәсенә -150 ел" дип исемләнгән ярдәме папка ясалды.

Бу папкага китапханәнең тарихы, бүгенгесе турындагы материаллар тупланды, аның җитәкчеләре турында язмалар урнаштырылды. Китап укучыларга интернеттан китапханә сайтындагы видеоэкскурсия күрсәтелде

Ачы мәдәният йортында авыл халкы өчен төрледән-төрле клуб берләшмәләре эшләп килә.

Ай саен алар белән  күңелле бәйрәм чаралары үткәрелеп килә.  Хәзерге вакытта февраль аенда булачак «Масленица» бәйрәменә әзерлек бара.

Олы Мәтәскә авылы балалар бакчасы тәрбияләнүчеләре авыл китапханәсенә экскурсиягә бардылар.

Аларны анда китапханә мөдире Хузиахметова Земфира апалары каршы алды . Балалар китапханә белән таныштылар, матур, кызыклы китаплар карадылар. Китапханә мөдире балаларга ничек итеп китапларны саклап тотарга кирәклеген аңлатты.

Кыш көне - елның матур фасылында сәламәтлекне ныгыту өчен вакыт житәрлек.

Фитнес – клубта шөгыльләнүне район Мәдәният йорты сәнгать җитәкчесе Туктамышева Ә.Х. оештыра. Бу күнегуләр кәефне яхшырта, эшкә активлыкны күтәрүгә  ярдәм итә.Үсеп килүче яшь буынга сәламәт яшәү рәвеше тәрбияләүдә укытучылар узләре үрнәк күрсәтәләр.

ТР Мәгариф һәм фән министрлыгының №7856/14 (30.12.2014) приказына нигезләнеп, Олы Мишә урта мәктәбе укытучыларына квалификацион категорияләр бирелде.

   

23 гыйнвар көнне Үзәк авылы китапханәсендә 4 сыйнаф укучылары һәм укытучылары белән « Китапка озын гомер бүләк итик» дигән чара үткәрелде.

Балалар китапханәче белән берлектә  китапларның ертылган битләрен ябыштырдылар, китап тышларын яңадан торгыздылар.

Чараның максаты- балаларда китапка карата игътибарлыкны саклап калу һәм узара ярдәм итешү теләген үстерү.

22 январь көнне Урта Мишә авылы китапханәсендә “Татарстан яшьләренә – 95 яшь“ исемле мәгълүмат сәгате үтте.

“ТЯ” газетасын Татарстанда гына түгел, башка илләрдә дә яратып укыйлар. Газетаның тиражы да бүгенге көндә иң зурысы. Үзенең 95 яшенә карамастан, газета укучыларга кирәк булып кала.

Олы Мәтәскә авылы китапханәсендә “Тылсымлы инә” дип исемләнгән берләшмә эшли.

Бу берләшмәгә 4-6 сыйныф кызлары йөриләр. Алар монда бәйләү серләренә төшенәләр. 22 гыйнвар көнне кызлар бәйләнгән шакмаклар ярдәмендә башмаклар тегәргә өйрәнә башладылар.