«Китап иле − Китапханә»

2021 елның 11 октябре, дүшәмбе

7 октябрь көнне район балалар китапханәсендә Теләче урта мәктәбенең 1 сыйныф укучылары өчен «Китап иле − Китапханә» дип исемләнгән танышу һәм аралашу экскурсиясе уздырылды. Китапханәдә булу барысына да бик ошады. Без балаларны китап культурасына җәлеп итәргә, кызыксынучан, белемле кеше итеп тәрбияләргә тырышабыз. Әлеге чараның максаты: китапханә бүлекләре, китап фонды, китап күргәзмәләре белән таныштыру иде. Балалар белән китап укуның файдасы турында әңгәмә үткәрелде, видеороликлар күрсәтелде.