Бүген яшь буынга үз милләтенә, гореф-гадәтләренә, тарихына карата горурлык хисе тәрбияләүдә бик зур рольне массакүләм мәгълүмат чаралары уйный.

2021 елның 21 октябре, пәнҗешәмбе

Шуны истә тотып Олы Мәтәскә авылы китапханәчесе 20 октябрь көнне берләшмәләргә йөрүче төрле сыйныф укучыларын китапханәгә килгән газета-журналлар белән таныштырып үтте. “Татар телендәге газета-журналларда төрле кызыклы даими рубрикалар, конкурслар ─ барысы да саф татар телендә. Танылган татар язучылары һәм шагыйрьләре әсәрләреннән кала, балаларга газета-журнал битләрендә үзләрен язучы буларак сынап карарга мөмкинлек бирелә, иҗади якларын, сәләтләрен үстерүдә ярдәм итә. Аларда басылып чыккан материаллар мәктәпләрдә дәресләр һәм дәрестән тыш тәрбия сәгатьләрендә дә актив кулланыла ала” - дип аңлатты китапханәче.