Батарейка көне бөтен дөнья буенча ел саен 18 февральдә билгеләп үтелә.
Хәзерге вакытта батарейкалар тормышыбызда зур роль уйный. Тик кулланылган батареяларны болай гына ташларга ярамый: аларда булган химик матдәләр, җирне һәм суны агулый, үсемлекләргә һәм хайваннарга зыян сала. Шуңа күрә файдаланылган батарейкаларны җыярга һәм икенчел эшкәртүгә тапшырырга кирәк. 17 гыйнвардан 17 февральгә кадәр Теләченең беренче балалар бакчасы файдаланылган батарейкаларны җыю буенча «Батарейканы тапшыр - керпене коткар» акциясе оештырды. Акция төркемнәрдә җыелган батарейкаларны үлчәү белән тәмамланды. Аның нәтиҗәләре буенча балалар бакчасында барлыгы 50 кг батарейка җыелган. Экологик акциядә катнашкан һәм актив катнашкан ата-аналарга һәм балаларга рәхмәт белдерәбез!
Бу акция эзсез узмас дип ышанабыз. Өлкәннәр һәм балалар үз гамәлләре турында күбрәк уйлана башлаячак. Киләчәктә аларның экологик тәрбия дәрәҗәсе артыр дип уйлыйбыз.