Куркынычсызлык атнасы

2022 елның 26 сентябре, дүшәмбе

19 нчы сентябрьдән 23 нче сентябрьгә кадәр Бөтенрәсәй күләмендә куркынычсызлык атнасы игълан ителде. Бу атналыкка Олы Мишә мәктәбе дә теләп катнашты. Куркынычсызлык атнасының максаты: юл куркынычсызлыгы кагыйдәләрен төгәл үтәү, мәктәп укучыларына юл йөрү кагыйдәләрен өйрәтү. Мәктәбебездә оештырылган ЮИД отряды сыйныфларда рейд уздырып, укучыларда яктылык кайтаручы элементларның булуын тикшерделәр. Сыйныф сәгатьләрендә юл йөрү билгеләрен танырга, “Мәктәп-өй” схемасы буенча дөрес йөрергә өйрәтелде. ЮИД отряды 1нче сыйныф укучыларын юл аркылы дөрес чыгарга өйрәтеп, “Шагающий автобус” акциясендә катнаштылар.