27нче сентябрь көнне Теләче 3нче номерлы балалар бакчасында мәктәпкәчә яшьтәге балалар белән эшләүче хезмәткәрләрнең һөнәри бәйрәмнәре көненә багышланган тантаналы чара узды.

2022 елның 27 сентябре, сишәмбе

Бәйрәм тантанасын Теләче 3нче номерлы балалар бакчасы мөдире Габдулхакова Г.В. ачып җибәрде. Залда җылы атмосфера хөкем сөрде.   Бәйрәмдә Теләче муниципаль районы башлыгы Н.Н. Хаҗипов тәрбиячеләргә һәм мәктәпкәчә яшьтәге хезмәткәрләргә үзләренең югары хезмәтләренә тугрылыклары өчен рәхмәт белдерде,  район хакимиятенең грамоталарын рәхмәт хатларын тапшырды. Теләче муниципаль районы мәгариф бүлеге начальнигы Н.В. Карпова тәрбиячеләрне һәм мәктәпкәчә белем бирү хезмәткәрләрен  бәйрәм белән тәбрикләде, мәгариф бүлегенең грамоталарын тапшырды Бәйрәм чарасы балалар чыгышлары белән үрелеп барылды.