1 октябрь – Өлкәннәр көне
Төрле җирләрдә өлкәннәрне котлаулар, бүләкләүләр, искә алулар бара. Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.
30 сентябрь көнне Теләче үзәк китапханәсенең уку залында китапханәчеләр, мәдәният йорты хезмәткәрләре белән берлектә, мәдәният өлкәсендә эшләп лаеклы ялга чыккан ветеран – өлкәннәр белән “Язлар яши сезнең күңелдә” исемле очрашу кичәсе уздырдылар. Кичә табын артында җылы сөйләшүләр, тәбрикләүләр белән үрелеп барды. Шулай ук китапханәдә «Өлкәннәр – алтын канат» исемле китап күргәзмәсе, “Үзе бер чор, үзе бер җыр” дигән стенд газета эшләнде.