Егетләр-кызлар арасында кул көрәше буенча район беренчелеген үткәрде.
2022 елнын 15 октябрендә “Батыр” спорткомплексында “Теләче” спорт мәктәбе балалар сәламәтләндерү үзәге белән берлектә 2008-2010, 2005-2007 нче елларда туган егетләр-кызлар арасында кул көрәше буенча район беренчелеген үткәрде.
Ярышта барлыгы 10 мәктәптән 148 укучы катнашты. Үз үлчәү авырлыкларында җинү яулаган спортсменнар Чистай шәһәрендә узачак Татарстан Республикасы беренчелегенә барачак.
2008-2010 нче елгы егет-кызлар арасында гомумкоманда урыннары:
1 урын- Теләче
2 урын- Олы Мишә
3 урын- Югары Кибәхуҗа мәктәпләре
2005-2007 нче елгы егет-кызлар арасында гомумкоманда урыннары:
1 урын – Теләче
2 урын – Олы Мишә
3 урын – Алан урта мәктәпләре.
Барлык җиңүчеләргә диплом, медальләр тапшырылды. Ярышларны уздыруда иганәчелек ярдәме күрсәткән, үзе дә кул көрәше буенча Айрат Әхмәт улы кул астында шөгыльләнгән Гилфанов Рушанга олы рәхмәтебезне белдерәбез.