«Балаларның якын дусты – Эдуард Успенский»

2022 елның 25 декабре, якшәмбе

23 декабрь көнне Теләче балалар китапханәсендә кече яшьтәге балалар өчен «Балаларның якын дусты – Эдуард Успенский» дигән әдәби сәгать уздырылды. Балалар язучының тормыш юлы, балачагы, шулай ук балалар әдәбиятының алтын фондына кергән әсәрләре белән таныштылар. Укучылар Э. Успенский китапларыннан танылган персонажларны бик теләп искә төшерделәр, аның кызыклы шигырьләрен укып, үзләренә яхшы кәеф бүләк иттеләр. Шулай ук зур кызыксыну белән мультипликацион фильм карадылар. Мондый чаралар үткәрү баланы китап укуга җәлеп итә һәм аның рухи дөньясын баетырга ярдәм итә.