Алан авылы китапханәсендә туган як тарихын өйрәнү буенча, “Аланым-асыл илем” дип исемләнгән проект эшләп килә.

2022 елның 30 декабре, җомга

Бу проект өстендә ел дәвамында эш алып барылды: Авылда яки читтә яшәп тә, туган авылын, нигезен онытмаган, һәр кешегә үрнәк булырлык эшләр башкарган күренекле якташларыбызны барлау буенча, авыл тарихын тагын да тирәнтен өйрәнү буенча түгәрәк өстәл, әңгәмә, очрашулар һәрдаим оештырылып торылды. Китапханәдә проект эшен алып баруда актив катнашучылар белән йомгаклау кичәсе оештырылды: эшләнгән эшләргә йомгак ясалды һәм алдагы елга планнар белән таныштырылды. Барлык катнашучылар киләчәктә дә проект эшен алып барырга бик теләп катнашырга ризалык бирделәр.