"Иң шәп әйдаман”

2023 елның 2 феврале, пәнҗешәмбе

1нче февральдә, "Иң шәп әйдаман” республикакүләм конкурсының район этабы үткәрелде. Әйдаман ул - балаларга әти – әни кебек кадерле кеше, кирәк чакта күңел ачтыручы, уен оештыручы позитив кеше, бөтен бәйрәмнәрне дә алып баручы оста, һәр яктан сәләтле, һәрдаим балалар ялын файдалы һәм күңелле итеп үткәрү турында уйланучы укучы. Әлеге бәйгедә районыбызның төрле мәктәпләрендә белем алучы иң актив 7 укучы - иң үрнәк 7 әйдаман  көч сынашты.

Жюри составы Мөхәрләмов Азалияне (Олы Мәтәскә урта мәктәбе) абсолют җиңүче дип таныды һәм «Гран-При» исемен бирде. Шулай ук Жангалиева Алинә (Үзәк урта мәктәбе) 1 урынны алды, 2 урынны Шиһабедтинова Рамилә (Олы Мишә урта мәктәбе) яулады һәм 3 урынга Мөбәрәкшина Чулпан (Баландыш мәктәбе) лаек булды.