22 апрельдә Теләче-Арена боз сараенда «Теләче хоккей лигасы»Кубогына финал уеннары узды.

2023 елның 24 апреле, дүшәмбе

2022 елның ноябрь аенда башланып киткән  чарада барлыгы 153 уен уйналган. Лигада тугыз команда  - Теләче,  Регион 16, Иске Җөри, Югары Кибәхуҗа, Олы Мәтәскә, Шәтке, Саба районы Мишәбаш авылы җыелма командасы, Питрәч районының  Питрәч һәм Пимәр авылы командалары катнашты. Турнир таблицасы буенча Регион 16, Теләче, Мишәбаш, Югары Кибәхуҗа командалары финалда ярышты. Бүгенге ярышларда җиңү яулаган Регион 16 хоккей командасын тәбрикләргә Теләче муниципаль район башлыгы Нәҗип  Хаҗипов та килгән иде. 
Саба районы Мишәбаш авылы җыелма командасы, Югары Кибәхуҗа командалары икенче, өченче урыннарны бүлеште. Җиңүчеләргә  күчмә Кубок,  акчалата премия һәм медальләр тапшырылды.